LPG ధర: బడ్జెట్‌కు ముందు శుభవార్త, LPG సిలిండర్ చౌకగా మారింది, ధరలు ఎంత తగ్గాయో తెలుసుకోండి

బడ్జెట్ 2025 ప్రవేశపెట్టడానికి కేవలం కొద్దీ గంటలు మాత్రమే మిగిలి ఉంది. అయితే బడ్జెట్‌కు ముందు సామాన్యు ప్రజలకు పెద్ద ఊరట లభించింది. నేటి నుంచి అంటే ఫిబ్రవరి 1వ తేదీ నుంచి వాణిజ్య సిలిండర్ల ధరలు దాదాపు రూ.7 తగ్గాయి. తగ్గిన ధరలు 19 కిలోల వాణిజ్య సిలిండర్లపై మాత్రమే వర్తిస్తాయి, అయితే వంటింటి సిలిండర్ల ధరలలో ఎటువంటి మార్పు లేదు.

గత నెలలో అతిపెద్ద OMC, ఇండియన్ ఆయిల్ కార్పొరేషన్ (IOC) 6 నెలల్లో మొదటిసారిగా 19 కిలోల సిలిండర్ ధరను రూ.14.5 తగ్గించింది, దింతో మెట్రో నగరాల్లో రూ.16కి తగ్గింది. కొత్త సంవత్సరం 2025 నుండి 19 కిలోల ఎల్‌పిజి సిలిండర్ ధర వరుసగా రెండవ నెలలో కూడా తగ్గింది. చమురు మార్కెటింగ్ కంపెనీలు 1 ఫిబ్రవరి 2025 నుండి 19 కిలోల సిలిండర్‌పై ఎల్‌పిజి ధరలను రూ. 4 నుండి రూ.7 వరకు తగ్గిస్తూ ప్రకటించాయి. OMCలు ప్రతి నెల 1వ తేదీన LPG సిలిండర్ల ధరలను సవరిస్తాయి.

ధరలు ఎంత తగ్గాయి?

నివేదికల ప్రకారం, ఇండియన్ ఆయిల్ విడుదల చేసిన తాజా రేటు ప్రకారం, ఢిల్లీలో 19 కిలోల ఎల్‌పిజి సిలిండర్ ధర ఈ రోజు ఫిబ్రవరి 1 నుండి రూ.1797గా మారింది. అంతకుముందు జనవరిలో దీని ధర రూ.1804. ఈసారి కూడా డొమెస్టిక్ ఎల్‌పిజి సిలిండర్ల ధరలో ఎలాంటి తగ్గింపు లేదు. కానీ చివరిసారిగా ఆగస్టు 2024లో 14కేజీల ఎల్‌పిజి సిలిండర్‌లలో తగ్గింపు జరిగింది. ఢిల్లీలో 14 కిలోల ఎల్‌పిజి సిలిండర్ రూ.803. లక్నోలో ధర రూ.840.50 కాగా, కోల్‌కతాలో రూ.829, ముంబై రూ.802.50, చెన్నైలో రూ.818.50గా ఉన్నాయి.

LPG ధరలలో ఈ మార్పు ఫిబ్రవరి 1, 2025న బడ్జెట్ 2025 కంటే ముందే వచ్చింది. పెట్రోలియం ఉత్పత్తులపై సుంకంలో మార్పులను శనివారం కేంద్ర ఆర్థిక మంత్రి నుండి భావిస్తున్నారు. LPG లేదా ఇతర పెట్రోలియం ఉత్పత్తులకు సంబంధించిన ఏవైనా సంస్కరణలను ఆర్థిక మంత్రి ప్రకటిస్తారా అనేది చూడాల్సి ఉంది.

ఇక తెలంగాణలోని హైదరాబాద్‌లో దేశీయ LPG (14.2 కిలోలు) ధర రూ.855.00 . గత నెలతో పోలిస్తే LPG ధరలో ఎలాంటి మార్పు నమోదు కాలేదు. LPG ధర గత 12 నెలలుగా రూ.855.00 వద్ద ఎటువంటి మార్పు లేకుండా ఉంది. వాణిజ్య (19 కేజీలు) సిలిండర్ ధర రూ.2,023.00 వద్ద రూ.5.00 తగ్గింది. దేశీయ (5 కేజీలు) సిలిండర్ ధర రూ.317.50 0.00, 47.5 కేజీల వాణిజ్య సిలిండర్ ధర రూ.5,055.00 దింతో రూ.12.00 తగ్గింది.

విమాన ఇంధనం ఖరీదైనది
కాగా, విమానయాన సంస్థలకు ఎదురుదెబ్బ తగిలింది. ఎందుకంటే ఎయిర్ టర్బైన్ ఫ్యూయల్ ఖరీదైనదిగా మారింది. OMCలు ATF ధరలను కిలోకు రూ.5078.25 పెంచడం ద్వారా విమాన ఇంధనం ధరలను పెంచాయి. అంతకుముందు జనవరిలో ATF రూ.1401.37/kg. డిసెంబరులో రూ.1318.12/kg లీటరు, నవంబర్ నెలలో కూడా రూ. 2,941.5/kg లీటరు.