ISha Ambani: ఇషా అంబానీకి జెన్‌నెక్స్ట్ ఎంట్రప్రెన్యూర్ అవార్డు

రిలయన్స్ ఇండస్ట్రీస్ రిటైల్ యూనిట్ చైర్ పర్సన్ ఇషా అంబానీకి 'జెన్‌నెక్స్ట్ ఎంట్రప్రెన్యూర్' అవార్డు పొందారు. మార్చి 24న జరిగిన కార్యక్రమంలో ఫోర్బ్స్ ఇండియా లీడర్‌షిప్ అవార్డ్స్ 2023లో ఆమెకు అవార్డు ప్రదానం చేశారు. ఆమెతో పాటు పలువురు ప్రిముఖ పరిశ్రమ ప్రముఖులను కూడా ఈ అవార్డు వేడుకలో సత్కరించారు. టైటాన్ కంపెనీ మేనేజింగ్ డైరెక్టర్ CK వెంకటరామన్ 'CEO ఆఫ్ ది ఇయర్' అవార్డు పొందారు. మాక్స్ హెల్త్‌కేర్ ఛైర్మన్, మేనేజింగ్ డైరెక్టర్ అభయ్ సోయి ఎంటర్ప్యూనర్ ఆఫ్ ది ఇయర్ అవార్డు గెలుచుకున్నారు.

ఇషా అంబానీ, బిలియనీర్ ముఖేష్ అంబానీ కుమార్తె, ఈమె ఆకాష్ అంబానీ కవల సోదరి. ఇషా యేల్ విశ్వవిద్యాలయం పూర్వ విద్యార్థి, అక్కడ ఆమె మనస్తత్వశాస్త్రం అభ్యసించారు. ఆ తర్వాత ఆమె స్టాన్‌ఫోర్డ్ గ్రాడ్యుయేట్ స్కూల్ ఆఫ్ బిజినెస్ నుంచి MBA డిగ్రీని అభ్యసించారు. ఆ తర్వాత మెకిన్సే & కంపెనీలో కొంతకాలం వ్యాపార విశ్లేషకురాలిగా పనిచేశారు.

పిరమల్ గ్రూప్‌కు చెందిన అజయ్, స్వాతి పిరమల్‌ల కుమారుడు ఆనంద్ పిరమల్‌ను ఇషా వివాహం చేసుకున్నారు. నవంబర్ 19, 2022న, ఆమె కృష్ణ, ఆదియా ప్రిమాల్ అనే కవలలకు జన్మనిచ్చారు. 2008లో ఫోర్బ్స్ రూపొందించిన 'యంగెస్ట్ బిలియనీర్ వారసురాలు' జాబితాలో ఆమె రెండవ స్థానంలో నిలిచారు. ఇషా ఆన్‌లైన్ ఫ్యాషన్ రిటైలర్, AJIOలను రిలయన్స్ రిటైల్ అనుబంధ సంస్థను కూడా ప్రారంభించారు.

IM-అహ్మదాబాద్ నుండి మేనేజ్‌మెంట్‌లో పోస్ట్‌గ్రాడ్యుయేట్ డిప్లొమా హోల్డర్ అయిన వెంకటరామన్, 1990లో టైటాన్ కంపెనీ లిమిటెడ్‌లో చేరారు. 2003లో టైటాన్ బ్రాండ్‌కు సేల్స్ & మార్కెటింగ్ హెడ్‌గా మారడానికి ముందు అడ్వర్టైజింగ్ మరియు మార్కెటింగ్ ఫంక్షన్‌లలో పనిచేశారు. ఆ తర్వాత ఆభరణాల విభాగానికి బాధ్యతలు చేపట్టారు. సెప్టెంబర్ 30, 2019 వరకు జ్యువెలరీ చీఫ్ ఎగ్జిక్యూటివ్ ఆఫీసర్‌గా పనిచేశారు. తరువాత, అతను అక్టోబర్ 1, 2019న కంపెనీ మేనేజింగ్ డైరెక్టర్‌గా పదవీ బాధ్యతలు చేపట్టారు.