Jio 5G: ప్రపంచ రికార్డు సృష్టించిన జియో.. సంతోషంలో ఆకాష్ అంబానీ..

Reliance Jio: అంబానీ కుటుంబానికి రికార్డులు సృష్టించటం కొత్తేమీ కాదు. ధీరూభాయ్ అంబానీ తర్వాత ముఖేష్ అంబానీ ఇదే చేశారు. ప్రస్తుతం ఆయన వారసులు సైతం అదే దారిలో వేగంగా ముందుకు కొనసాగుతున్నారు.

4జీని దేశంలో ప్రవేశపెట్టి టెలికాం రంగంలో సంచలనాలు సృష్టించిన రిలయన్స్ జియో తాజాగా తన 5జీ ఆధుతాన్ని పూర్తి స్థాయిలో సిద్ధం చేస్తోంది. భారతదేశ వ్యాప్తంగా 85 శాతం 5జీ నెట్ వర్క్ స్థాపన ఇప్పటికే పూర్తైనట్లు కంపెనీ చైర్మన్ ఆకాష్ అంబానీ(Akash Ambani) ప్రకటించారు. ప్రతి 10 సెకన్లకు ఒక 5G సెల్‌ను అమలు చేయగల సామర్థ్యాన్ని తాము కలిగి ఉన్నట్లు వెల్లడించారు.

బ్రాడ్ బ్యాండ్ స్పీడ్ అండ్ క్వాలిటీ పరిశీలింటే సంస్థ Ookla తాజాగా రిలయన్స్ జియో 5జీ సామర్థ్యాలు, విస్తరణకు సంబంధించిన గణాంకాలను ప్రకటించింది. ఇదే తరుణంలో కంపెనీ ముందుగా పెట్టుకున్న లక్ష్యం ప్రకారం డిసెంబర్ 2023 నాటితి దేశంలో ప్రతి ప్రాంతాన్ని తమ 5జీ నెట్‌వర్క్ కిందకు తీసుకొచ్చేందుకు వేగంగా పనిచేస్తోంది. గడచిన ఏడేళ్లలో కంపెనీ అనేక గ్లోబల్ బెంచ్ మార్కులను ఏర్పాటు చేసిందని అనంత్ తెలిపారు. భారత డిజిటల్ భవిష్యత్తుపై తాము తమకు నమ్మకం ఉందని తెలిపారు. డిజిటల్ ఇండియా భారత్ ప్రపంచ వేదికపై అగ్రగామిగా మారడానికి సహాయం చేస్తుందన్నారు.

మెుత్తం తొమ్మిది స్పీడ్‌టెస్ట్ అవార్డులను గెలుచుకున్న జియో భారతదేశంలో నంబర్-1 నెట్‌వర్క్‌గా అవతరించిందని ఊక్లా తాజాగా ప్రకటించింది. అన్ని కేటగిరీల్లో ఏకకాలంలో అవార్డులను అందుకుని ప్రపంచవ్యాప్తంగా ఉన్న టెలికాం ప్రొవైడర్లలో తొలిసారిగా రిలయన్స్ జియో సరికొత్త రికార్డు సృష్టించిందని ఊక్లా వెల్లడించింది.

ఉత్తమ మొబైల్ నెట్‌వర్క్, వేగవంతమైన మొబైల్ నెట్‌వర్క్, ఉత్తమ మొబైల్ కవరేజ్, టాప్-రేటింగ్ మొబైల్ నెట్‌వర్క్, ఉత్తమ మొబైల్ వీడియో అనుభవం, ఉత్తమ మొబైల్ గేమింగ్ అనుభవం, వేగవంతమైన 5G మొబైల్ నెట్‌వర్క్, ఉత్తమ 5G మొబైల్ వీడియో అనుభవం, ఉత్తమ 5G మొబైల్ గేమింగ్ అనుభవం కేటగిరీల్లో Jio అవార్డులను గెలుచుకుంది. ఉత్తమమైన వాటిని అందించాలనే జియో ఆశయాన్ని ఇవి పునరుద్ఘాటిస్తున్నాయని Ookla ప్రెసిడెంట్, CEO స్టీఫెన్ బై పేర్కొన్నారు.