రిలయన్స్ 'జియో క్రికెట్ ప్లే ఎలాంగ్' ఐపీఎల్ బంపరాఫర్, అద్భుతమైన బహుమతులు..

ఐపీఎల్ సీజన్ క్రికెట్ ప్రేమికులను ఉర్రూతలూగిస్తోంది. క్రికెట్ ప్రేమికుల కోసం జియో అదనపు డేటా వంటి ఆఫర్లు ప్రకటించింది. తాజాగా రిలయన్స్ జియో నెట్ వర్క్ మరో గుడ్‌న్యూస్ చెప్పింది. ఐపీఎల్ అభిమానుల కోసం కొత్త ఆఫర్లు ప్రకటించింది. ఇప్పుడు జియో క్రికెట్ ప్లే ఎలాంగ్ అనే సరికొత్త బహుమతులు గెలుచుకునే ఆఫర్‌ను తీసుకు వచ్చింది. దీని ద్వారా ఎన్నో బహుమతులు గెలుచుకోవచ్చు. ఈ గేమ్‌లో పాల్గొనేవారికి నైపుణ్యతను మెరుగుపరుచుకునేలా ప్రశ్నలను రూపొందించడంతో పాటు ఎంటర్టైన్మెంట్‌ను అందిస్తుంది. దీనికి అదనంగా ప్రీ-మ్యాచ్ ప్రశ్నలు, పోల్స్, క్విజ్ ఉంటాయి. మీ ఫేవరేట్ టీమ్‌కు స్టిక్కర్ చాట్, స్కోర్స్, మ్యాచ్,షెడ్యూల్, ఫలితాలు యాక్సెస్ చేసుకోవచ్చు.

ప్రశ్నలు.. బహుమతులు

జియో క్రికెట్ ప్లే ఎలాంగ్ ప్లాట్‌ఫాం ద్వారా మ్యాచ్ జరిగే సమయంలో క్విజ్ ఉంటుంది. సరైన సమాధానం చెబితే గిఫ్ట్స్ ఉంటాయి. వినియోగదారుడు తన క్రికెట్ స్కిల్స్‌ను ఉపయోగించి ప్రతి ప్రశ్నకు సమాధానం చెప్పి వీటిని పొందవచ్చు. మ్యాచ్‌కు ముందు ప్రీ-మ్యాచ్ క్వశ్చన్, పోల్స్, క్విజ్ ఉంటుంది. ఆ రోజుకు మ్యాచ్‌కు సంబంధించి ప్రశ్నలు ఉంటాయి. ఇందులో కొన్ని ఊహాజనిత ప్రశ్నలు ఉంటాయి. ఎవరు గెలుస్తారు, ఆటగాడు అర్ధ సెంచరీ చేస్తాడా, సెంచరీ చేస్తాడా వంటి ప్రశ్నలు ఉంటాయి. డైలీ రివార్డ్స్ ద్వారా డైలీ ఛాలెంజెస్‌ను పూర్తి చేయడం ద్వారా బహుమతులు పొందవచ్చు. మ్యాచ్ ప్రారంభమయ్యే ముందు టాస్క్‌లో గెలిచిన వారికి అందించే బంపర్ ప్రైజ్ ఉంటుంది. ఇందులో పాల్గొనేందుకు దీనిపై క్లిక్ చేసి, వివిధ బహుమతులు గెలుచుకోవచ్చు.

జియో.. జియోయేతర కస్టమర్లు

మ్యాచ్ జరిగే సమయంలో లైవ్ చాట్ ఆప్షన్ ఉంటుంది. దీని ద్వారా స్టిక్కర్స్ పంపుతూ మీ అభిమాన జట్టును ప్రోత్సహించవచ్చు. అక్కడ లైవ్ స్కోర్, మ్యాచ్ షెడ్యూల్, ఫలితాలు వంటివి అందుబాటులో ఉంటాయి. కాగా, ఈ ఆఫర్లు మైజియో యాప్‌లోని జియో ఎంగేజ్ సెక్షన్‌లో అందుబాటులో ఉన్నాయి. వీటిని గూగుల్ ప్లేస్టోర్, ఆపిల్ ప్లేస్టోర్ నుండి డౌన్ లోడ్ చేసుకోవచ్చు. ఈ ఆఫర్‌లో మరో ఆసక్తికర విషయం ఏమంటే జియోతో పాటు జియోయేతర వినియోగదారులు కూడా దీనిని డౌన్ లోడ్ చేసుకోవచ్చు.

క్రికెట్ ప్లాన్ తెచ్చిన వారానికే..

జియో క్రికెట్ ప్లాన్‌ను ప్రారంభించిన వారం రోజులకే ఈ సరికొత్త ఆఫర్ తీసుకు రావడం గమనార్హం. ఇంట్లో ఉంటూనే జియో క్రికెట్ ప్లే ఎలాంగ్‌ను ఎంజాయ్ చేస్తూ మంచి బహుమతులు గెలుచుకోవచ్చు.