Reliance: రిలయన్స్ ఇన్వెస్టర్లకు అంబానీ గిఫ్ట్.. అనంత్ పెళ్లి తర్వాత నిర్ణయం..

RIL Bonus Shares: ఇటీవలి కాలంలో చిన్న కుమారుడు అనంత్ అంబానీ వివాహం తర్వాత రిలయన్స్ ఇండస్ట్రీస్ అధినేత ముఖేష్ అంబానీ తన పెట్టుబడిదారులకు తీపి కబురు చెప్పారు. దీనికి సంబంధించి రిలయన్స్ ఇండస్ట్రీస్ బోర్డు కీలక ఆమోదాన్ని తెలిపింది.

భారత స్టాక్ మార్కెట్లో వాల్యుయేషన్ పరంగా అతిపెద్ద కంపెనీగా కొనసాగుతున్న రిలయన్స్ తన పెట్టుబడిదారులకు ఉచితంగా బోనస్ షేర్లను అందించాలని నిర్ణయించింది. ఇటీవల జరిగిన 47వ వార్షిక సమావేశంలో దీనికి సంబంధించి నిర్ణయం వెలువడగా, నేడు కంపెనీ బోర్డు ఇందుకోసం తన ఆమోదాన్ని తెలిపింది. దీంతో 1:1 నిష్పత్తిలో బోనస్ ఇష్యూపై ఆమోదం లభించింది. దీని ప్రకారం అర్హులైన పెట్టుబడిదారులు తాము హోల్డ్ చేస్తున్న ప్రతి రిలయన్స్ ఇండస్ట్రీస్ షేరుపై ఒక షేరును బోనస్ రూపంలో అందుకోనున్నారు. అయితే నిర్ణయం వెలువడిన తర్వాత కంపెనీ షేర్లు స్వల్ప క్షీణతను చూశాయి.

కంపెనీ తాజాగా బోనస్ షేర్లను ప్రకటించినందున మార్కెట్లో త్వరలో రిలయన్స్ స్టాక్స్ సంఖ్య పెరగనుంది. దీనికి ముందు చివరిగా 2017లో కంపెనీ తన పెట్టుబడిదారులకు బోనస్ షేర్లను అందించిన విషయం తెలిసిందే. కంపెనీ గత చరిత్రను పరిశీలిస్తే రిలయన్స్ ఇన్వెస్టర్లకు బోనస్ షేర్లను ప్రకటించటం ఇది ఐదోసారి. అలాగే తాజా మీటింగ్ లో కంపెనీ అధీకృత షేర్ క్యాపిటల్‌ను పెంచుకోవడానికి కూడా ఆమోదం లభించింది. దీంతో రూ.15 వేల కోట్ల నుంచి రూ.50 వేల కోట్లకు క్యాపిటల్ పెంచబడుతోంది. ప్రస్తుతం కంపెనీ మార్కెట్ క్యాప్ రూ.20 లక్షల కోట్ల కంటే ఎక్కువగా ఉంది.

ఇదే సమయంలో బ్రోకరేజీల అభిప్రాయాన్ని పరిశీలిస్తే.. రిలయన్స్ ఇండస్ట్రీస్ తన రిటైల్ భాగస్వామ్యాన్ని పెంచడానికి, ఈక్విటీ బేస్ను విస్తరించడానికి బోనస్ షేర్లను జారీ చేస్తున్నట్లు ఐసీఐసీఐ డైరెక్ట్ పేర్కొంది. ఈ క్రమంలో అధిక షేర్ల ధరలు కొత్త పెట్టుబడిదారులను నిరుత్సాహపరచవచ్చు. మొత్తం మూలధనంలో ఎటువంటి మార్పు లేనప్పుడు షేర్ల సంఖ్యను పెంచడం వల్ల ఒక్కో షేరు ధర తగ్గుతుంది. కంపెనీ ఇప్పటి వరకు బోనస్ షేర్లను పొందటానికి అవసరమైన రికార్డు తేదీ వివరాలను ఇప్పటి వరకు