రియల్ ఎస్టేట్ డీలా.. తగ్గిన ఇళ్ల అమ్మకాలు.. కొత్త ప్రాజెక్ట్‌లు కూడా డౌన్..:రిపోర్ట్

కొన్ని రోజుల క్రితం స్మార్ట్‌ఫోన్ తయారీ కంపెనీల ఫ్యాక్టరీల్లో ఉత్పత్తి తగ్గినట్లు వార్తలు వచ్చాయి. ఈ ఫ్యాక్టరీలు వాటి సామర్థ్యంలో సగం మాత్రమే ఉత్పత్తి చేస్తున్నాయి. ఇప్పుడు రియల్ ఎస్టేట్ రంగంలో కూడా ధోరణే కనిపిస్తుంది. క్యాలెండర్ సంవత్సరం 2024 చివరి త్రైమాసికంలో దేశంలోని 8 పెద్ద నగరాల్లో ఇళ్ల విక్రయాలో 26 శాతం క్షీణత కనిపించింది. ఇది మాత్రమే కాదు ఈ కాలంలో కొత్త ఇళ్ల లాంచ్లు కూడా 33 శాతం క్షీణత కనిపించింది.

డిజిటల్ రియల్ ఎస్టేట్ ట్రాన్సక్షన్ అండ్ అడ్వైసరి PropTiger.com తాజా రిపోర్ట్లో ఈ సమాచారం వెలుగులోకి వచ్చింది. ఈ రిపోర్ట్ ప్రకారం, 2024 అక్టోబర్-డిసెంబర్ కాలంలో భారతదేశంలోని 8 ప్రముఖ రెసిడెన్షియల్ మార్కెట్‌లలో ఇళ్ల విక్రయాలు గత ఏడాది ఇదే త్రైమాసికంతో పోలిస్తే 26% తగ్గాయి. 'రియల్ ఇన్‌సైట్ రెసిడెన్షియల్: యాన్యువల్ రౌండప్ 2024 by PropTiger.com' అనే రిపోర్ట్ లో ప్రధానంగా మహారాష్ట్ర, హర్యానా రాష్ట్రాల్లో జరిగిన ఎన్నికలు కావడం వల్లనే విక్రయాలు తగ్గుముఖం పట్టవచ్చని పేర్కొంది. అనాలిసిస్ లో చేర్చిన 8 నగరాలలోని 3 నగరాలలో ప్రాపర్టీ ధరలు అధికంగా ఉన్నాయి.

NCR మినహా ఇతర నగరాల్లో తగ్గుదల
నేషనల్ క్యాపిటల్ రీజియన్ లేదా NCR మినహా, ఇతర నగరాల్లో ఏడాది ప్రాతిపదికన ఇళ్ల విక్రయాలు తగ్గుముఖం పట్టాయని ఈ నివేదికలోని డేటా చూపుతోంది. ఈ కాలంలో ఢిల్లీ ఎన్‌సీఆర్‌లో అమ్మకాలు 50 శాతం పెరిగాయి, అయితే అహ్మదాబాద్‌లో 34 శాతం, బెంగళూరులో 23 శాతం, చెన్నైలో 5 శాతం, హైదరాబాద్‌లో 36 శాతం, కోల్‌కతాలో 22 శాతం, ముంబైలో 31 శాతం ఇంకా పూణేలో 31 శాతం క్షీణించాయి.

కొత్త ప్రాజెక్టులు కూడా
కొన్ని రాష్ట్రాల్లో ఎన్నికల ప్రభావం సప్లయ్ కూడా కనిపిస్తోందని ఈ నివేదికలో పేర్కొంది. రాష్ట్ర ఎన్నికల కారణంగా ప్రాజెక్ట్ అనుమతులు మందగించిన కారణంగా Q42024లో లాంచ్‌లు 33% YYY తగ్గాయి. ఈ కాలంలో అహ్మదాబాద్‌లో 61 శాతం, హైదరాబాద్‌లో 66 శాతం, కోల్‌కతాలో 41 శాతం, ముంబైలో 39 శాతం, పూణేలో 39 శాతం తగ్గుదల నమోదైంది. అయితే ఇదే కాలంలో ఢిల్లీ ఎన్‌సీఆర్‌లో కొత్త ప్రాజెక్టుల ప్రారంభం 133 శాతం, బెంగళూరులో 20 శాతం, చెన్నైలో 34 శాతం పెరిగాయి.

పండుగ సీజన్‌లో పెరిగిన విక్రయాలు
రిపోర్ట్ పై PropTiger.com గ్రూప్ సీఈఓ ధ్రువ్ అగర్వాల్ మాట్లాడుతూ, 'అక్టోబర్-డిసెంబర్ పండుగ సీజన్‌లో అంచనా వేసినట్లుగానే అమ్మకాలు పెరిగాయి. కానీ చాలా ప్రాంతాలలో అమ్మకాలు అలాగే కొత్త లాంచ్‌లలో సంవత్సరానికి తగ్గుదల కనిపించింది. ప్రపంచ ఆర్థిక అనిశ్చితులు, కీలకమైన రాష్ట్ర ఎన్నికలు, దేశవ్యాప్తంగా పెరుగుతున్న ప్రాపర్టీ ధరలు వంటి అంశాలు డెవలపర్‌లు & కొనుగోలుదారులు వేచి ఉండి చూసే విధానాన్ని అనుసరించేలా చేశాయి అని అన్నారు.

ఈ కాలంలో కొత్త ఇళ్ల విక్రయాలలో మంచి వృద్ధిని నమోదు చేసిన మొదటి ఎనిమిది నగరాల్లో ఢిల్లీ NCR మాత్రమే ఏకైక ప్రాంతంగా నిలిచింది. ఇక్కడ క్యూ4 (అక్టోబర్-డిసెంబర్ 2024)లో 9,808 యూనిట్లు విక్రయించారు. గత ఏడాది ఇదే కాలంలో 6,528 యూనిట్ల నుంచి గొప్ప పెరుగుదల. గ్రేటర్ ముంబై లేదా MMR 33,617 యూనిట్ల విక్రయాలతో మార్కెట్ లీడర్‌గా తన స్థానాన్ని నిలుపుకుంది, అయితే 48,553 యూనిట్ల నుండి 31% YYY క్షీణతను చూసింది. పుణె 18,240 యూనిట్ల అమ్మకాలతో రెండవ స్థానంలో ఉంది, సంవత్సరానికి 31% తగ్గింది. దక్షిణాదిలో బెంగళూరులో 13,236 యూనిట్లు (23% తగ్గుదల), హైదరాబాద్‌లో 13,179 యూనిట్లు (36% తగ్గుదల), చెన్నై 4,073 యూనిట్లు (5% తగ్గుదల) విక్రయించింది.

గత ఏడాది (అక్టోబర్-డిసెంబర్) క్యూ4లో భారతదేశంలోని టాప్ ఎనిమిది రెసిడెన్షియల్ మార్కెట్‌లలో కొత్త హోమ్ లాంచ్‌లలో 33% క్షీణత నమోదైంది. హైదరాబాద్‌లో 9,066 యూనిట్లు (66% క్షీణత), అహ్మదాబాద్‌లో 3,515 యూనిట్లు (61% క్షీణత), కోల్‌కతాలో 3,091 యూనిట్లు (41% క్షీణత) . కానీ ఢిల్లీ NCRలో 10,048 యూనిట్లు లాంచ్ అయ్యాయి, ఇక్కడ 133% వృద్ధి ఉంది. చెన్నైలో 4,005 యూనిట్లు, బెంగళూరులో 15,157 యూనిట్లు లాంచ్ కాగా 20% వృద్ధిని చూపుతోంది.