బడ్జెట్ 2026: రియల్ ఎస్టేట్ రంగం నిలబడాలంటే మోదీ సర్కారు ఇవి చేయాల్సిందే..

Real Estate Budget 2026: కేంద్ర బడ్జెట్ 2026 సమీపిస్తున్ననేపథ్యంలో భారతదేశ గృహ ఆర్థిక వ్యవస్థ మీద బడ్జెట్లో ఏమైనా ప్రయోజనాలు ఉంటాయా అనే ఆసక్తికర చర్చకు తెరలేచింది.. వేగంగా పెరుగుతున్న పట్టణీకరణ వల్ల తక్కువ ధర గృహాలకు డిమాండ్ పెరుగుతున్నప్పటికీ, స్థిరంగా లేని వాస్తవ ఆదాయాలు, అధిక గృహ రుణ వడ్డీ రేట్లు ఆ డిమాండ్‌ను కొనుగోళ్లుగా మారకుండా అడ్డుకుంటున్నాయి.

GDPకి, ఉపాధికి, అనుబంధ పరిశ్రమలకు గణనీయంగా దోహదపడే గృహ నిర్మాణ రంగానికి ఇప్పుడు లక్ష్యంగా ఉన్న ఆర్థిక చర్యలు అవసరమయ్యాయి. ప్రభుత్వం సబ్సిడీలు, పన్ను ప్రోత్సాహకాలు, క్రెడిట్ విధానాల్లో మార్పుల ద్వారా గృహ యాజమాన్యాన్ని పెంచడం, నిలిచిపోయిన డిమాండ్‌ను తిరిగి చలనం చేయడం, తద్వారా ఆర్థిక గుణకార ప్రభావాన్ని ప్రారంభించే అవకాశం ఉందని వార్తలు వస్తున్నాయి.

PMAY-అర్బన్ కింద క్రెడిట్ లింక్డ్ సబ్సిడీ స్కీమ్ (CLSS) వంటి పథకాలు వడ్డీ భారాన్ని కొంత మేర తగ్గించాయి. అయితే పెద్ద నగరాల్లో వేగంగా పెరుగుతున్న గృహ ధరలకు అనుగుణంగా ఆదాయ అర్హతలు, ఆస్తి విలువ పరిమితులు మారకపోవడం వల్ల ఈ సబ్సిడీల ప్రభావం తగ్గింది.

Photo Credit:

AI

బడ్జెట్ 2026లో.. CPI-హౌసింగ్ ఆధారంగా రుణ పరిమితులు, ఆస్తి విలువలను డైనమిక్‌గా ఇండెక్స్ చేయడం, అలాగే బెంగళూరు, పూణే వంటి వేగంగా ఎదుగుతున్న మెట్రో నగరాలకు ప్రాంతీయ ప్రమాణాలు వర్తింపజేయడం వంటి మార్పులు బడ్జెట్లో ఆశించవచ్చు. దీని ద్వారా ఆస్తి ధరలను పెంచకుండా, గృహ రుణ EMIలను సుమారు 15 నుంచి 20 శాతం వరకు తగ్గించే అవకాశం ఉంటుంది.

ప్రస్తుతం గృహ రుణాలు బ్యాంకింగ్ క్రెడిట్‌లో పెద్ద వాటా కలిగి ఉన్నాయి. అయినప్పటికీ.. చిన్న టికెట్ రుణాలకు ద్రవ్యత కొరత అనేది సమస్యగా మారింది. దీనికి పరిష్కారంగా రూ.25 వేల కోట్ల ప్రత్యేక హౌసింగ్ లిక్విడిటీ సౌకర్యాన్ని బడ్జెట్ 2026 ప్రవేశపెట్టే అవకాశం ఉంది. నాబార్డ్ రీఫైనాన్స్, బహుళపాక్షిక నిధులు, జీరో కూపన్ బాండ్ల ద్వారా రుణదాతల నిధుల వ్యయం తగ్గి, తక్కువ వడ్డీ రేట్లకు గృహ రుణాలు అందే అవకాశం ఉంది. అదే విధంగా మొదటిసారి ఉద్యోగాల్లో చేరిన యువత కోసం స్టెప్-అప్ EMIలు, 30 ఏళ్ల కాలపరిమితి వంటి విధానాలు ప్రవేశపెడితే, టైర్-2, టైర్-3 పట్టణాల్లో గృహ కొనుగోళ్లు పెరుగుతాయని నిపుణులు చెబుతున్నారు.

మధ్యతరగతి గృహ కొనుగోలుదారుల నిర్ణయాల్లో పన్ను తర్వాత వచ్చే EMI కీలక పాత్ర పోషిస్తుంది. సెక్షన్ 24(బి) కింద వడ్డీ మినహాయింపును రూ.3 లక్షలకు పెంచడం, అలాగే PMAY అర్హత గల ఇళ్లకు అదనపు పన్ను ప్రోత్సాహకం ఇవ్వడం వల్ల గృహ కొనుగోళ్లు పెరిగే అవకాశం ఉంది. నిలిచిపోయిన ప్రాజెక్టుల పూర్తి కోసం పన్ను ప్రయోజనాల కాలపరిమితి పెంచడం ద్వితీయ మార్కెట్‌ను కూడా చురుకుగా చేస్తుంది.

బడ్జెట్ 2026 డిజిటల్ క్రెడిట్ వ్యవస్థలపై దృష్టి పెట్టవచ్చు. ITR, GST, UPI డేటాను ఏకీకృతం చేసే హౌసింగ్ క్రెడిట్ పాస్‌పోర్ట్ ద్వారా రుణ అర్హత నిర్ణయం రోజుల్లో కాకుండా గంటల్లోనే సాధ్యమవుతుంది. ఇది అనధికార రంగ ఆదాయదారులకు పెద్ద ఊరటగా నిలిచే అవకాశం ఉంది. అదే సమయంలో, గ్రీన్ గృహ నిర్మాణాలకు తక్కువ వడ్డీ రుణాలు, ప్రత్యేక గ్రీన్ హౌసింగ్ ఫండ్ల ద్వారా పర్యావరణ అనుకూల గృహాలను ప్రోత్సహించే అవకాశం ఉంది. బడ్జెట్ 2026 గృహ రంగాన్ని కేవలం రియల్ ఎస్టేట్ పెట్టుబడిగా కాకుండా, సామాజిక, ఆర్థిక మౌలిక సదుపాయంగా మార్చే దిశగా అడుగులు వేస్తే ఈ రంగంలో వృద్ధి గట్టిగా పైకి ఎగబాకే అవకాశం ఉంటుంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి