Pension Scheme: ఆ పెన్షన్ విధానంపై ఆర్బీఐ ఆందోళన

పాత పెన్షన్ విధానంపై ఆర్బీఐ ఆందోళన వ్యక్తం చేసింది. రాజకీయ హామీల్లో భాగంగా.. పాత పెన్షన్ స్కీమ్‌ తిరిగి వర్తించేలా చూస్తామని ఎన్నికల వేళ పార్టీలు ఊదరగొడుతున్నాయి. రాజస్థాన్, చత్తీస్‌ఘర్, ఝార్ఖండ్ ఇప్పటికే ఈ విధానంకు మారాయి. తాజాగా హిమాచల్‌ ప్రదేశ్‌ ఈ ప్రకటన చేసింది. అలా చేస్తే ఆయా రాష్ట్రాల ఆర్థిక పరిస్థితి తీవ్రంగా దెబ్బతింటుందని ఆర్బీఐ హెచ్చరించింది.

భవిష్యత్తులో ఇబ్బందులే..
ప్రస్తుత ఖర్చులను భవిష్యత్తుకు వాయిదా వేయడం వల్ల తర్వాత ముప్పు తప్పదని తన ఆర్బీఐ నివేదికలో పేర్కొంది. సామాజిక భద్రత, ఉద్యోగుల సంక్షేమం కోసమే ఈ నిర్ణయం తీసుకున్నట్లు రాష్ట్రాలు చెబుతున్నాయి. కానీ తగినన్ని నిధులను సమకూర్చడంలో అశ్రద్ధ వహిస్తున్నాయి. ఫలితంగా భవిష్యత్తులో తీవ్ర ముప్పు తప్పదని ఆర్థిక వేత్తలు సైతం ఆందోళన చెందుతున్నారు.

ఏమిటీ పాత పెన్షన్:
గత పెన్షన్ పద్ధతి స్థానంలో కేంద్ర, రాష్ట్ర ప్రభుత్వ ఉద్యోగులకు నేషనల్‌ పెన్షన్ స్కీమ్‌ (ఎన్‌పీఎస్‌) ప్రస్తుతం అమలవుతోంది. అసంఘటిత రంగ కార్మికుల కోసం మొదట ఉద్దేశించిన ఈ పథకాన్ని తదనంతరం 2004లో ప్రభుత్వ సిబ్బందికీ వర్తింప చేశారు. 10 శాతం ప్రభుత్వం, 14 శాతం ఉద్యోగి వాటాతో ఇది అమలవుతోంది.