RBI monetary policy: కీలక వడ్డీ రేట్లు యథాథం

కేంద్ర బ్యాంకు రిజర్వ్ బ్యాంక్ ఆఫ్ ఇండియా వడ్డీ రేట్లను యథాతథంగా నిర్ణయించింది. ఏప్రిల్ 5వ తేదీ నుండి మూడు రోజుల పాటు జరిగిన MPC భేటీ వివరాలను ఆర్బీఐ గవర్నర్ శక్తికాంత దాస్ మీడియాకు వివరించారు. రెపో రేటు యథాతథంగా ఉంచడంతో స్టాక్ మార్కెట్లు జంప్ చేశాయి. రేపో రేటును 4 శాతంగా, రివర్స్ రెపో రేటు 3.35 శాతంగా నిర్ణయించినట్లు శక్తికాంతదాస్ తెలిపారు. 2021-22 ఆర్థిక సంవత్సరానికి రియల్ జీడీపీ వృద్ధి రేటును 10.5 శాతంగా అంచనా వేస్తున్నట్లు తెలిపారు.

ఆర్బీఐ ద్రవ్యోల్భణం అంచనా 5 శాతం అంచనా వేసింది ఆర్బీఐ. FY22 మొదటి అర్ధ సంవత్సరంలో 5.2 శాతంగా అంచనా వేసింది. మూడో త్రైమాసికంలో 4.4 శాతం, నాలుగో త్రైమాసికంలో 5.1 శాతంగా అంచనా వేసింది. 2021-22 ఆర్థిక సంవత్సరానికి గాను జీడీపీ వృద్ధి రేటు అంచనా 10.5 శాతంగా ఉండవచ్చునని తెలిపింది.

దేశంలో కరోనా కేసులు మళ్లీ పెరగడం, రిటైల్ ద్రవ్యోల్భణం దాదాపు 4 శాతంగా ఉంచాలని ప్రభుత్వం సూచించిన నేపథ్యంలో వడ్డీ రేట్లు యథాతథంగా ఉండవచ్చునని విశ్లేషకులు ముందుగానే అంచనా వేశారు. ద్రవ్యోల్బణాన్ని 4 శాతం లక్ష్యం (+2 శాతం నుండి -2 శాతం, మార్జిన్ 2-6 శాతం) వద్ద అదుపులో ఉంచాలనే ప్రధాన లక్ష్యంతో పాటు వృద్ధికి ఊతమిచ్చేందుకు అవసరమైన విధానపరమైన నిర్ణయాలను ఆర్బీఐ ప్రకటిస్తుందని భావించారు.