RBI Monetary Policy: FY23లో జీడీపీ వృద్ధి రేటు అంచనా 7.8 శాతం

2022-23 ఆర్థిక సంవత్సరానికి గాను రియల్ జీడీపీ వృద్ధి రేటు 7.8 శాతంగా ఉండవచ్చునని రిజర్వ్ బ్యాంక్ ఆఫ్ ఇండియా(RBI) అంచనా వేస్తోంది. 8వ తేదీన ప్రారంభమై, 10వ తేదీన ముగిసింది మానిటరీ పాలసీ. నేడు (10, ఫిబ్రవరి) ఆర్బీఐ గవర్నర్ శక్తికాంత దాస్ MPC సమావేశం నిర్ణయాలను మీడియాకు తెలిపారు. రెపో రేటునును వరుసగా పదవసారి 4 శాతంగా స్థిరంగా కొనసాగించింది. అవసరమైనంత కాలం అనుకూల వైఖరి కొనసాగుతుందని శక్తికాంతదాస్ తెలిపారు. ఎంఎస్ఎఫ్ రేటు, బ్యాంకు రేటును 4.25 శాతం వద్ద మారలేదు. రివర్స్ రెపో రేటు 3.35 శాతం వద్ద కొనసాగించింది.

FY23లో జీడీపీ వృద్ధి రేటును 7.8 శాతంగా అంచనా వేస్తోంది. త్రైమాసికం పరంగా చూస్తే మొదటి త్రైమాసికంలో 7.2 శాతం, రెండో త్రైమాసికంలో 7 శాతం, మూడో త్రైమాసికంలో 4.3 శాతం, నాలుగో త్రైమాసికంలో 4.5 శాతంగా అంచనా వేస్తున్నారు.

FY23 రెండో అర్ధ సంవత్సరంలో సీపీఐ ద్రవ్యోల్భణం 4.00 శాతాన్ని టార్గెట్‌గా పెట్టుకున్నట్లు తెలిపారు. FY22లో సీపీఐ ద్రవ్యోల్భణం అంచనాలు 5.3 శాతంగా అంచనా వేస్తున్నారు. FY23లో సీపీఐ ద్రవ్యోల్భణం 4.5 శాతంగా అంచనా వేస్తున్నట్లు తెలిపారు. సీపీఐ ద్రవ్యోల్భణం Q1FY23లో 4.9 శాతం, Q2FY23లో 5 శాతం, Q3FY23లో 4 శాతం, Q4FY23లో 4.2 శాతంగా అంచనా వేస్తున్నారు.