ఆర్బీఐ గవర్నర్ ఎంపిసి సమావేశం : డేట్, టైంతో సహా లైవ్ ఎక్కడ, ఎలా చూడాలంటే..

నేడు శుక్రవారం జరిగే రిజర్వ్ బ్యాంక్ ఆఫ్ ఇండియా ద్రవ్య విధాన కమిటీ (MPC) సమావేశంలో 25 బేసిస్ పాయింట్ల రెపో రేటు తగ్గింపు కోసం ప్రజలు, సామాన్యులు ఆసక్తిగా ఎదురు చూస్తున్నారు. అయితే కొత్తగా నియమితులైన ఆర్బీఐ గవర్నర్ సంజయ్ మల్హోత్రా నిర్వహిస్తున్న మొదటి ఎంపిసి సమావేశం ఇది.

ఆర్థిక మంత్రి నిర్మలా సీతారామన్ కేంద్ర బడ్జెట్ 2025 ప్రసంగం తర్వాత కొన్ని రోజుల్లోనే ఆర్బీఐ ద్రవ్య విధానం వెలువడింది. ఆదాయపు పన్ను స్లాబ్‌లలో మార్పుతో ఆర్థిక వ్యవస్థకు వినియోగ ప్రోత్సాహాన్ని అందించడానికి బడ్జెట్ 2025లో కోరినప్పటికీ, GDP వృద్ధికి ఉద్దీపన అందించడానికి ఇప్పుడు అందరిని దృష్టి కేంద్ర బ్యాంకుపై ఉంచింది.

2024-25 ఆర్థిక సంవత్సరం రెండవ త్రైమాసికంలో భారతదేశ GDP వృద్ధి రెండేళ్ల కనిష్ట స్థాయి 5.4%కి మందగించింది. ద్రవ్యోల్బణం అదుపులో ఉన్నందున, RBI రెపో రేటు తగ్గింపుతో GDP వృద్ధిని ప్రోత్సహించడంపై దృష్టి పెట్టాల్సిన సమయం ఆసన్నమైందని ఆర్థికవేత్తలు ఇంకా నిపుణులు అభిప్రాయపడుతున్నారు.

ఆర్‌బిఐ ద్రవ్య విధాన సమావేశం: తేదీ, సమయం
*ఆర్‌బిఐ ద్రవ్య విధాన కమిటీ సమావేశం 5 ఫిబ్రవరి 2025న ప్రారంభమైంది. ఆర్‌బిఐ గవర్నర్ సంజయ్ మల్హోత్రా 7 ఫిబ్రవరి 2025న ఉదయం 10:00 గంటలకు రెండు రోజుల MPC సమావేశం నిర్ణయాలని ప్రకటిస్తారు.

ఆర్‌బిఐ ద్రవ్య విధాన సమావేశం: ఎప్పుడు అండ్ ఎక్కడ చూడాలి

ఆర్‌బిఐ గవర్నర్ సంజయ్ మల్హోత్రా తొలి ఆర్‌బిఐ MPC ప్రకటనలను 7 ఫిబ్రవరి 2025 ఉదయం 10:00 గంటల నుండి ఆర్‌బిఐ Youtube ఛానెల్‌లో ప్రత్యక్ష ప్రసారం అవుతుంది. మీరు సంజయ్ మల్హోత్రా మీడియాకు చేసిన ప్రకటనలను RBI Youtube ఛానెల్‌ ద్వారా లైవ్ లో చూడవచ్చు.

ఆర్‌బిఐ ద్రవ్య విధాన సమావేశం: ఎం ఆశించవచ్చు
*ఆర్‌బిఐ రెపో రేటును 25 బేసిస్ పాయింట్లు తగ్గిస్తే ఇది గత ఐదు సంవత్సరాలలో మొదటిసారి రేపో రేటు తగ్గింపు అవుతుంది. రూపాయి బలహీనపడటంపై ఆందోళనలు ఉన్నప్పటికీ, ద్రవ్యోల్బణం పరిమితుల్లోనే ఉంది. కోవిడ్ మహమ్మారి, లాక్‌డౌన్ సమయంలో ఆర్థిక సవాళ్లను పరిష్కరించే లక్ష్యంతో ఆర్‌బిఐ చివరిసారిగా రెపో రేటును 40 బేసిస్ పాయింట్లతో 4 శాతానికి తగ్గింపు మే 2020లో జరిగింది.
*రష్యా-ఉక్రెయిన్ వివాదం కారణంగా RBI MPC మే 2022లో రెపో రేటు పెంపును ప్రారంభించింది, కానీ మే 2023లో ఆపేసింది.
*పరిస్థితులు రెపో రేటు తగ్గింపుకు అనుకూలంగా ఉన్నాయని నిపుణులు సూచిస్తున్నారు.