RBI MPC: రెపో రేటు మళ్లీ పెరిగే ఛాన్స్, ఆర్బీఐ కీలక నిర్ణయాలు

రిజర్వ్ బ్యాంక్ ఆఫ్ ఇండియా (RBI) మానిటరీ పాలసీ కమిటీ జూన్ 6వ తేదీ నుండి 8వ తేదీ వరకు సమావేశమైంది. ఈ భేటీలోని కీలక నిర్ణయాలను ఆర్బీఐ గవర్నర్ శక్తికాంతదాస్ ఈ రోజు (జూన్ 8, 2022) మీడియాకు వివరించనున్నారు. సాధారణంగా ఆర్బీఐ రెండు నెలలకు ఓసారి పరపతి సమావేశం జరిపి, కీలక నిర్ణయాలు తీసుకుంటుంది. అయితే గత నెలలో ద్రవ్యోల్భణాన్ని అదుపు చేసేందుకు అత్యవసరంగా సమావేశమై, రెపో రేటును 40 బేసిస్ పాయింట్లు తగ్గించింది. ఈసారి కూడా రెపో రేటును పెంచే అవకాశాలు ఉన్నాయి.

ఆర్బీఐ ద్రవ్య పర పతి విధాన కమిటీ భేటీ బుధవారంతో పూర్తయి, శక్తికాంతదాస్ భేటీలో జరిగిన నిర్ణయాలను వెల్లడిస్తారు. ద్రవ్యోల్భణానికి చెక్ పెట్టడానికి కీలక రెపోరేటును మరోసారి మరోపావు శాతం నుండి అరశాతం పెంచవచ్చునని భావిస్తున్నారు. బ్యాంకులకు ఇచ్చే స్వల్పకాలిక రుణాలపై ఆర్బీఐ 4.4 శాతం రెపో రేటును వసూలు చేస్తోంది. అలాగే సీఆర్ఆర్ 4.5 శాతం నుండి 5 శాతానికి పెంచవచ్చునని తెలుస్తోంది.

అంతర్జాతీయంగా క్రూడాయిల్ ధరలు పెరగడంతో ఆయిల్ అండ్ గ్యాస్, ఆటో షేర్లకు మాత్రమే నిన్న కొనుగోళ్ల మద్దతు లభించింది. ఆర్బీఐ పరపతి సమావేశం నిర్ణయం నేపథ్యంలో మార్కెట్లు గత కొద్ది రోజులుగా అప్రమత్తంగా కదలాడుతున్నాయి. నేడు కూడా ఆర్బీఐ సమావేశానికి ముందు అప్రమత్తంగా ఉండవచ్చు. ఆ తర్వాత ఆర్బీఐ నిర్ణయాలను బట్టి మార్కెట్ ముందుకు కదులుతుంది.