హౌసింగ్ ఫైనాన్స్ కంపెనీలకు RBI కొత్త ఆదేశాలు

లిక్విడిటీ కవరేజే రేషియో సహా పలు నిబంధనలకు సంబంధించి హౌసింగ్ ఫైనాన్స్ కంపెనీలకు (HFCs) కేంద్ర బ్యాంకు తాజాగా ఆదేశాలను జారీ చేసింది. ఇందులో రిస్క్ నిర్వహణ, ఆస్తుల వర్గీకరణ, లోన్ టు వ్యాల్యూ ఉన్నాయి. తక్షణమే ఈ అదేశాలు అమలులోకి వస్తాయని రిజర్వ్ బ్యాంక్ ఆఫ్ ఇండియా(RBI) బుధవారం తెలిపింది. ఇన్వెస్టర్లు, డిపాజిటర్ల ప్రయోజనాలకు విఘాతం కలిగించే విధంగా HFCs వ్యవహార శైలి లేకండా చూడటమే ఈ ఆదేశలలోని ఉద్దేశ్యమని తెలిపింది.

డిపాజిట్స్ స్వీకరించే, డిపాజిట్స్ స్వీకరించని, రూ.100 కోట్లు, అంతకు మించి ఆస్తులు కలిగిన HFCs లిక్విడిటీ రిస్క్ నిర్వహణలో లోపాలు లేకుండా చర్యలు తీసుకోవాలని ఆర్బీఐ సూచించింది. రూ.10,000 కోట్లకు పైగా ఆస్తులు కలిగిన అన్ని నాన్-డిపాజిట్ HFCs, అలాగే అన్ని రకాల HFCs 2021 డిసెంబర్ 1 నాటికి కనీసం 50 శాతం ఎల్సీఆర్‌ను నిర్వహించాల్సి ఉంటుందని ఆర్బీఐ పేర్కొంది.

ప్రతి HFC బోర్డు మార్గదర్శకాలు పాటించేలా చేస్తుంది. ఆర్బీఐ మాస్టర్ డైరెక్షన్ - నాన్ బ్యాంకింగ్ ఫైనాన్షియల్ కంపెనీ-హౌసింగ్ ఫైనాన్స్ కంపెనీ (రిజర్వ్ బ్యాంక్) ఈ ఆదేశాలను బుధవారం జారీ చేసింది.