PNB, Federal బ్యాంకులకు రిజర్వు బ్యాంక్ పెనాల్టీ.. వడ్డీ నిబంధనల అక్రమాలతో..

RBI News: దేశంలో బ్యాంకింగ్ విధానాన్న పూర్తిగా రెగ్యులేట్ చేసే రిజర్వు బ్యాంక్ ఆఫ్ ఇండియా నిరంతరం పర్యవేక్షిస్తూనే ఉంది. ఈ క్రమంలో నిబంధనలు ఉల్లంగిస్తున్న బ్యాంకులు, ఫైనాన్స్ సంస్థలపై కఠిన చర్యలు తీసుకుంటోంది.

తాజాగా పంజాబ్ నేషనల్ బ్యాంక్, ఫెడరల్ బ్యాంక్, కొసమట్టం ఫైనాన్స్, మెర్సిడెస్ బెంజ్ ఫైనాన్షియల్ సర్వీసెస్ ఇండియాలపై భారీ మెుత్తంలో పెనాల్టీని విధించినట్లు నవంబర్ 3న ప్రకటించింది. కొన్ని రెగ్యులేటరీ నిబంధనలను పాటించనందుకు ప్రభుత్వ యాజమాన్యంలోని పంజాబ్ నేషనల్ బ్యాంక్‌పై రూ.72 లక్షలు, ప్రైవేట్ రంగ ఫెడరల్ బ్యాంక్‌పై రూ.30 లక్షల చొప్పున జరిమానా విధించింది. అలాగే కేవైసీ నిబంధనలు పాటించనందుకు సెంట్రల్ రిజర్వ్ బ్యాంక్ మెర్సిడెస్-బెంజ్ ఫైనాన్షియల్ సర్వీసెస్ ఇండియా ప్రైవేట్ లిమిటెడ్ పై జరిమానా విధించింది.

ఎన్‌బిఎఫ్‌సిలపై కూడా జరిమానా:రిజర్వ్ బ్యాంక్ కొసమట్టమ్‌కు నాన్-బ్యాంకింగ్ ఫైనాన్షియల్ కంపెనీ కొన్ని నిబంధనలను పాటించనందుకు జరిమానా విధించింది. వ్యవస్థాత్మకంగా ముఖ్యమైన నాన్-డిపాజిట్ టేకింగ్ కంపెనీలు, డిపాజిట్ టేకింగ్ కంపెనీలు (రిజర్వ్ బ్యాంక్) మార్గదర్శకాలు 2016 ప్రకారం కొట్టా ఫైనాన్స్ లిమిటెడ్‌పై రూ.13.38 లక్షల జరిమానా విధించబడింది.

రిజర్వ్ బ్యాంక్ అధికారిక ప్రకటన ప్రకారం పంజాబ్ నేషనల్ బ్యాంక్ రుణాలపై వడ్డీ రేటు, కస్టమర్ సేవకు సంబంధించిన కొన్ని నిబంధనలను పాటించనందుకు జరిమానా విధించబడింది. ఇక ఫెడరల్ బ్యాంక్ కొన్ని కేవైసీ నిబంధనలను ఉల్లంఘించింది. రెగ్యులేటరీ సమ్మతిలో లోపాలపై పెనాల్టీ ఆధారపడి ఉంటుందని రిజర్వు బ్యాంక్ పేర్కొంది.