Banks: మార్చి 31 పనివేళలు ముగిసే వరకు బ్యాంకులన్నీ ఓపెన్..!

మార్చి 31న పనివేళలు ముగిసే వరకు అన్ని బ్యాంకులు తమ శాఖలను తెరిచి ఉంచాలని భారతీయ రిజర్వ్ బ్యాంక్ (RBI) అన్ని బ్యాంకులను ఆదేశించింది.మార్చి 31, 2023 నాటి సాధారణ పని గంటల వరకు ప్రభుత్వ లావాదేవీలకు సంబంధించి ఓవర్-ది-కౌంటర్ లావాదేవీల కోసం బ్యాంకులను తెరిచి ఉంచాలని సెంట్రల్ బ్యాంక్ అన్ని ఏజెన్సీ బ్యాంకులకు లేఖ రాసింది. 2022-23 ఆర్థిక సంవత్సరానికి ఏజెన్సీ బ్యాంకులు చేసే అన్ని ప్రభుత్వ లావాదేవీలు తప్పనిసరిగా అదే ఆర్థిక సంవత్సరంలోనే లెక్కించాలని సూచించింది.

నేషనల్ ఎలక్ట్రానిక్ ఫండ్స్ ట్రాన్స్‌ఫర్ (NEFT), రియల్ టైమ్ గ్రాస్ సెటిల్‌మెంట్ (RTGS) సిస్టమ్ ద్వారా లావాదేవీలు ఇప్పటివరకు మార్చి 31, 2023న 2400 గంటల వరకు (అర్ధరాత్రి 12) వరకు కొనసాగుతాయిని లేఖలో పేర్కొంది. "GST/ TIN2.0/ e-రసీదు లగేజీ ఫైళ్లను అప్‌లోడ్ చేయడంతో సహా RBIకి కేంద్ర, రాష్ట్ర ప్రభుత్వ లావాదేవీలను నివేదించడం గురించి, మార్చి 31, 2023 రిపోర్టింగ్ విండో 2023 మధ్యాహ్నం 12 గంటల వరకు తెరిచి ఉంచుతారు.

ఆర్బీఐ తాజాగా ఆర్బఎల్ బ్యాంకుకు రూ.2.27 కోట్ల జరిమానా విధించింది. లోన్ రికవరీ ఏజెంట్లపై కొన్ని ఆదేశాలను పాటించనందుకు RBL బ్యాంక్ లిమిటెడ్‌కి 2.27 కోట్ల రూపాయల జరిమానా విధించినట్లు భారతీయ రిజర్వ్ బ్యాంక్ ప్రకటించింది. 2018-19 నుంచి 2021-22 ఆర్థిక సంవత్సరాల్లో రికవరీ ఏజెంట్లపై వచ్చిన ఫిర్యాదులను పరిశీలించిన తర్వాత RBI "నియంత్రణ సమ్మతిలో లోపాలను" గుర్తించిందని ఫైన్ విధించింది.

లోన్ రికవరీ ఏజెంట్లు బెదిరింపులకు లేదా వేధింపులకు గురికాకుండా చూసుకోవడంలో RBL విఫలమైందని ఆర్బీఐ పేర్కొంది.ఏజెంట్లను నియమించే ముందు వారి పోలీసు ధృవీకరణను నిర్ధారించలేదని వివరించింది. 'ఇంటర్నల్ అంబుడ్స్‌మన్ స్కీమ్, 2018', 'ఫెయిర్ ప్రాక్టీసెస్ కోడ్ ఫర్ లెండర్స్', 'క్రెడిట్'పై జారీ చేసిన ఆదేశాలలోని కొన్ని నిబంధనలను పాటించనందుకు పెనాల్టీ విధించినట్లు భారతీయ రిజర్వ్ బ్యాంక్ (RBI) ఒక ప్రకటనలో వెల్లడించింది.