RBI News: ఆర్బీఐ నుంచి ఇవాళ బిగ్‌ అప్‌డేట్.. మార్కెట్‌ను షేక్ చేసేందుకు గవర్నర్ రెడీ

Interest rates: స్టాక్ మార్కెట్లు పాజిటివ్ ట్రెండ్‌తో దూసుకుపోతున్నాయి. సరికొత్త రికార్డులను సృష్టిస్తున్నాయి. ఈ తరుణంలో ఇవాళ కీలక వడ్డీరేట్లను ప్రకటించేందుకు ఆర్బీఐ సిద్ధమవుతోంది. మానిటరీ పాలసీ మీటింగ్ ఫలితం కోసం ఇప్పుడు అందరూ ఆతృతగా ఎదురుచూస్తున్నారు.

రిజర్వ్ బ్యాంక్ ఆఫ్ ఇండియా గవర్నర్ శక్తికాంత దాస్ ఇవాళ రెపో రేటును ప్రకటించనున్నారు. ద్రవ్యోల్బణం 6 శాతం గరిష్ఠ స్థాయికి చేరడంతో సర్వత్రా ఆందోళన నెలకొంది. ఈ కారణంగా కీలక వడ్డీ రేట్లను మరోసారి యథాతధంగా కొనసాగించాలని ఆర్బీఐ భావిస్తున్నట్లు నిపుణులు అంచనా వేస్తున్నారు.

గత సంవత్సరంలో రిజర్వ్ బ్యాంక్ రెపో రేటును 6.5 శాతం వద్ద కొనసాగించింది. అంతర్జాతీయ పరిణామాల మధ్య అంతకంతకూ పెరుగుతూ పోయిన ద్రవ్యోల్బణాన్ని అరికట్టడానికి ఫిబ్రవరి 2023లో 6.25 శాతం నుండి 6.5 శాతానికి పెంచింది. గతేడాది జూలైలో గరిష్ఠ స్థాయి 7.44 శాతాన్ని తాకి భయపెట్టినా, మెల్లగా తగ్గుముఖం పట్టింది. కానీ ఇప్పటికీ ఆర్బీఐ కంఫర్ట్ జోన్ మించే ఉండటం ఇబ్బంది కలిగిస్తోంది.

ఆర్బీఐ గవర్నర్ శక్తికాంత దాస్ నేతృత్వంలోని ద్రవ్య విధాన కమిటీ (MPC) మంగళవారం నుంచి మూడు రోజుల పాటు చర్చలు జరిపింది. 'అతిగా బిగించడం ఆర్థిక వ్యవస్థ వృద్ధికి ప్రమాదంగా పరిణమిస్తుంది' అని వ్యాఖ్యానించిన గవర్నర్.. మరోసారి తటస్థ వైఖరిని అనుసరిస్తామో వేచి చూడాలి మరి!