అమెరికన్ ఎక్స్‌ప్రెస్, డైనర్స్ క్లబ్ ఇంటర్నేషనల్‌కు ఆర్బీఐ షాక్

అమెరికన్ ఎక్స్‌ప్రెస్ బ్యాంకింగ్ కార్పోరేషన్, డైనర్స్ క్లబ్ ఇంటర్నేషనల్ లిమిటెడ్ సంస్థలపై రిజర్వ్ బ్యాంకు ఆఫ్ ఇండియా(RBI) కీలక నిర్ణయం తీసుకుంది. వీటి చెల్లింపు వ్యవస్థ డేటా నిల్వ నిబంధనలకు అనుగుణంగా లేదంటూ కొత్త దేశీయ క్రెడిట్ కార్డులను వినియోగదారులకు జారీ చేయకుండా నిషేధం విధించింది. మే 1వ తేదీ నుండి ఈ నిషేధం అమలులోకి రానుంది. అయితే కార్డ్ నెట్ వర్క్స్ పైన ఆంక్షలు ప్రస్తుత కస్టమర్లపై ప్రభావం చూపదని తెలిపింది.

దేశంలోని భారతీయ కస్టమర్ల డేటా, ఇతర సమాచారాన్ని భద్రపరచడానికి నిబంధనలను ఉల్లంఘించడంపై ఆర్బీఐ ఈ నిర్ణయం తీసుకున్నది. పేమెంట్ అండ్ సెటిల్మెంట్ సిస్టమ్స్ యాక్ట్, 2007 (పీఎస్ఎస్ యాక్ట్) సెక్షన్ 17 కింద కార్డు నెట్ వర్క్స్ ఆపరేటింగ్‌కు సంబంధించి అమెరికన్ ఎక్స్‌ప్రెస్ బ్యాంకింగ్ కార్పోరేషన్, డైనర్స్ క్లబ్ ఇంటర్నేషనల్ లిమిటెడ్ సంస్థలకు అనుమతి ఉంది.

చెల్లింపు వ్యవస్థతో అనుసంధానించిన అన్ని సర్వీస్ ప్రొవైడర్లు, వారు నిర్వహించే చెల్లింపు వ్యవస్థకు సంబంధించిన డేటా, ఇతర సమాచారాన్ని ఆరు నెలల్లో ముందు ఉంచచచచేలా చూడాలని 2018లో సర్క్యులర్ ద్వారా సూచించింది. అయితే ఈ సమస్య పరిష్కారానికి ఆర్బీఐతో కలిసి పని చేస్తున్నట్లు అమెరికన్ ఎక్స్‌ప్రెస్ తెలిపింది. ఈ ఉత్తర్వులు కస్టమర్లను ప్రభావితం చేయవని, కార్డులను యథాతథంగా ఉపయోగించవచ్చునని చెప్పారు.