Just In
-
-
-
-
Don't Miss
-
ఏపీలో కేసుల్లో ఈయనే టాప్; సెంచరీకి చేరువగా టీడీపీ అభ్యర్థిపై కేసులు!! -
SRH Playing XI: అతనిపై వేటు..RCBతో తుది జట్టు ఇదే! -
Jai HanuMan హనుమాన్ జయంతి రోజున.. కళ్లు చెదిరేలా జై హనుమాన్ 3డీ పోస్టర్ రిలీజ్ -
వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి -
అద్భుతమైన డిజైన్ తో నోకియా కొత్త ఫోన్ Nokia N90 Flip ! వివరాలు -
నిద్రపోకపోతే వచ్చే సమస్యలివే.. తీవ్రంగా హెచ్చరిస్తున్న పరిశోధకులు..! -
ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
కొత్త క్యూఆర్ కోడ్‌లపై ఆర్బీఐ నిషేధం, 2022 మార్చి 31 వరకు గడువు
పేమెంట్ సిస్టమ్ ఆపరేటర్స్(PSOs) పేమెంట్ ట్రాన్సాక్షన్స్ కోసం కొత్తగా క్యూఆర్ కోడ్‌లను ప్రవేశపెట్టకుండా రిజర్వ్ బ్యాంక్ ఆఫ్ ఇండియా(RBI) నిషేధం విధించింది. ప్రస్తుతం రెండు క్యూఆర్ కోడ్స్ ఉన్నాయి. వినియోగంలో ఉన్న యూపీఐ క్యూఆర్, భారత్ క్యూఆర్ కోడ్స్‌నే కొనసాగించాల్సి ఉంటుందని వెల్లడించింది. సొంత క్యూఆర్ కోడ్స్ ఉపయోగించే పీఎస్ఓలు కూడా ఈ రెండింటికి మారవలసి ఉంటుంది. ఈ ప్రక్రియ 2022 మార్చి 31వ తేదీ నాటికి పూర్తి కావాలని ఆర్బీఐ పేర్కొంది.
క్యూఆర్ కోడ్స్ రెండు డైమెన్షనల్ మిషిన్, రీడబుల్ బార్‌కోడ్స్ ఉంటాయి. పాయింట్ ఆఫ్ సేల్ వద్ద మొబైల్ చెల్లింపులు సులభతరం చేయడానికి వీటిని ఉపయోగిస్తారు. క్యూఆర్ కోడ్స్ పెద్ద మొత్తంలో సమాచారాన్ని నిల్వచేయగలవు. దేశంలో ఇలాంటి క్యూఆర్ (క్విక్ రెస్పాన్స్) కోడ్ వ్యవస్థను సమీక్షించేందుకు, వివిధ సూచనలు చేసేందుకు ఆర్బీఐ దీపక్ పాటక్ నేతృత్వంలో ఓ కమిటీని వేసింది. ఈ కమిటీ సిఫార్సుల మేరకు ప్రస్తుతం ఉన్న రెండు క్యూఆర్ కోడ్స్‌ను కొనసాగించాలని నిర్ణయం తీసుకున్నారు.
యూపీఐ క్యూఆర్ కోడ్, భారత్ క్యూఆర్ కోడ్స్ కొనసాగుతాయని కేంద్ర బ్యాంకు ఓ నోటిఫికేషన్లో తెలిపింది. జపాన్‌కు చెందిన డెన్సో వేవ్ సంస్థ 1990లలో క్యూఆర్ కోడ్స్‌ను ఆవిష్కరించింది. ప్రస్తుతం దేశీయంగా క్యూఆర్ కోడ్ పేమెంట్ సిస్టమ్స్ ప్రధానంగా భారత్ క్యూఆర్, యూపీఐ క్యూఆర్‌తో పాటు సంస్థల సొంత క్యూఆర్‌లను సపోర్ట్ చేస్తున్నాయి.
