Rakesh Jhunjhunwala: బిగ్ బుల్ దెబ్బ తీసిన ఆ రెండు స్టాక్ లు.. రూ.1000 కోట్లకు పైగా నష్టపోయిన రాకేష్ జున్జున్
పెరుగుతున్న ద్రవ్యోల్బణం, ఆర్థిక మందగమన ఆందోళనల మధ్య, భారతీయ స్టాక్స్ గత వారం భారీ నష్టాన్ని చవిచూశాయి. కొన్ని నాణ్యమైన స్టాక్లలో కూడా అమ్మకాల ఒత్తిడి నెలకొంది. ఏస్ ఇన్వెస్టర్ రాకేష్ జున్జున్వాలా పెట్టుబడి పెట్టిన టైటాన్ కంపెనీ, స్టార్ హెల్త్ అండ్ అలైడ్ ఇన్సూరెన్స్ కంపెనీ షేర్లు ఈ వారం బాగా పడిపోయాయి. ఈ రాకేష్ జున్జున్వాలా స్టాక్లలో భారీ అమ్మకాల కారణంగా, బిగ్ బుల్ గత వారం 5 సెషన్లలో ₹1,000 కోట్లకు పైగా నష్టపోయారు.
గత వారం 5 ట్రేడ్ సెషన్లలో టైటాన్ షేరు రూ.2,053.50 నుంచి రూ.1,944.75కి పడిపోయింది. గత వారం ట్రేడ్లో ఒక్కో షేరుకు రూ.108.75 తగ్గింది. అదేవిధంగా స్టార్ హెల్త్ షేరు రూ.531.10 నుంచి రూ.475.90కి పడిపోయింది. గత వారం ఈ షేరుకు రూ.55.20 తగ్గింది.
జనవరి నుంచి మార్చి 2022 కాలానికి టైటాన్ కంపెనీలో రాకేష్ జున్జున్వాలాకు 3,53,10,395 షేర్లు ఉండగా, అతని భార్య రేఖా జున్జున్వాలా 95,40,575 టైటాన్ షేర్లు ఉన్నాయి. ఝున్జున్వాలా దంపతులు 4,48,50,970 టైటాన్ షేర్లు ఉన్నాయి.
రాకేష్ జున్జున్వాలాకూ స్టార్ హెల్త్ లో 10,07,53,935 షేర్లు ఉన్నాయి. ఈ షేరు గత వారం రూ.55.20 తగ్గింది. స్టార్ హెల్త్ షేర్లలో క్షీణత కారణంగా రాకేశ్ జున్జున్వాలా రూ.555 కోట్లు నష్టపోయాడు.టైటాన్ షేర్లతో రూ.485 కోట్లు నష్టపోయాడు. మొత్తంగా దాదాపు రూ.1,040 కోట్లు నష్టపోయాడు.
టాటా మోటార్స్, ఇండియన్ హోటల్స్ కంపెనీ, రాలిస్ ఇండియా, నేషనల్ అల్యూమినియం కంపెనీ నాల్కో, కెనరా బ్యాంక్ మొదలైన షేర్లు రాకేశ్ జున్జున్వాలా పోర్ట్ఫోలియో స్టాక్లలో ఉన్నాయి.