Stock: ఆ కంపెనీపై రూ.239 కోట్లు పెనాల్టీ.. ఖతార్ దెబ్బకు క్షీణించిన స్టాక్..

L&T Shares: ఈరోజు మార్కెట్లో లార్సెన్ అండ్ టూబ్రో లిమిటెడ్ షేర్ల ధరల్లో క్షీణత నమోదైంది. దేశంలోనే కాక కంపెనీ అంతర్జాతీయంగా సైతం మంచి నిర్మాణ సంస్థగా పేరుగాంచిన సంగతి తెలిసిందే.

దిగ్గజ కంపెనీ లార్సెన్ అండ్ టూబ్రో లిమిటెడ్ షేర్ ధరలు నేడు 0.64 శాతం క్షీణించాయి. సోమవారం ఉదయం కంపెనీ షేర్లు రూ.3,090.15 స్థాయిలో ట్రేడవుతున్నాయి. కంపెనీపై ఖతార్ విధించిన పెనాల్టీ ఇందుకు కారణంగా నిలుస్తోంది. ఖతార్ పన్ను శాఖ రూ.111.30 కోట్లు, రూ.127.60 కోట్ల చొప్పున రెండు జరిమానాలు విధించినట్లు L&T తెలిపింది.

మార్చి 2017 నుంచి మార్చి 2018 మధ్య కాలంలో కంపెనీపై ఈ జరిమానా విధించబడింది. ఈ జరిమానాపై కంపెనీ తన పిటిషన్‌ను దాఖలు చేయనుంది. కంపెనీ ప్రస్తుతం మధ్యప్రాచ్యంలో రెండవ అతిపెద్ద నిర్మాణ సంస్థగా కొనసాగుతోంది.

లార్సెన్ & టూబ్రో హైడ్రోకార్బన్ వ్యాపారం పశ్చిమాసియాలో పెద్ద కాంట్రాక్టును పొందింది. కంపెనీ రూ. 15,000 కోట్ల కంటే ఎక్కువ విలువైన ప్రాజెక్టులను అల్ట్రా మెగా కేటగిరీలో వర్గీకరిస్తుంది. L&T హైడ్రోకార్బన్ వ్యాపారం పశ్చిమాసియాలోని ఒక ప్రసిద్ధ కస్టమర్ నుంచి పెద్ద కాంట్రాక్ట్ కోసం లెటర్ ఆఫ్ ఇంటెంట్‌ను అందుకున్నట్లు కంపెనీ స్టాక్ ఎక్స్ఛేంజ్ ఫైలింగ్‌లో వెల్లడించింది. కొత్త కస్టమర్ నుండి ఈ ప్రధాన ఒప్పందం మా సామర్థ్యాలకు ప్రపంచ ఆమోదాన్ని పునరుద్ఘాటిస్తుందని ఎల్ అండ్ టి హోల్ టైమ్ డైరెక్టర్ అండ్ సీనియర్ ఎగ్జిక్యూటివ్ వైస్ ప్రెసిడెంట్(ఎనర్జీ) సుబ్రమణ్యం శర్మ పేర్కొన్నారు.