ఎంట్రీతోనే అదరగోడుతున్న పర్పుల్ యునైటెడ్ సేల్స్ ఐపిఓ.. రాకెట్ల షేర్స్ జంప్.. 58% ప్రాఫిట్..

పర్పుల్ యునైటెడ్ స్టాక్ మార్కెట్‌లో గొప్ప ఎంట్రీ ఇచ్చింది. కంపెనీ షేర్లు తొలిరోజే భారీ లాభాలను ఆర్జించాయి. పర్పుల్ యునైటెడ్ సేల్స్ షేర్లు 58 శాతం లాభంతో రూ.199 వద్ద మార్కెట్‌లో లిస్ట్ కాగా, ఐపీఓలో కంపెనీ షేరు ధర రూ.126. కంపెనీ IPO 11 డిసెంబర్ 2024న బెట్ వేయడానికి ఓపెన్ అవగా డిసెంబర్ 13 వరకు ఓపెన్లో ఉంది. పర్పుల్ యునైటెడ్ సేల్స్ పబ్లిక్ ఇష్యూ మొత్తం రూ. 32.81 కోట్లు.

58% ప్రీమియంతో గొప్ప లిస్టింగ్
పర్పుల్ యునైటెడ్ సేల్స్ షేర్లలో మాత్రం మంచి పెరుగుదల నమోదైంది. లిస్టింగ్ తర్వాత పర్పుల్ యునైటెడ్ సేల్స్ షేర్లు దాదాపు 3% పెరిగి రూ.205కి చేరుకున్నాయి. కంపెనీ షేర్లు కూడా రూ.189.05 లో లెవెల్ తాకాయి. పర్పుల్ యునైటెడ్ సేల్స్ షేర్లు నేషనల్ స్టాక్ ఎక్స్ఛేంజ్ SMEలో లిస్ట్ అయ్యింది.

పర్పుల్ యునైటెడ్ సేల్స్ IPO మొత్తం 160.08 సార్లు సబ్‌స్క్రైబ్ పొందింది. కంపెనీ IPOలో రిటైల్ ఇన్వెస్టర్ల కోటా 155.29 రెట్లు సబ్‌స్క్రైబ్ చేయగా పర్పుల్ యునైటెడ్ సేల్స్ IPO రిటైల్ పెట్టుబడిదారుల విభాగంలో 269.7 రెట్లు సబ్‌స్క్రిప్షన్‌ పొందింది. అదే సమయంలో క్వాలిఫైడ్ ఇనిస్టిట్యూషనల్ బయ్యర్స్ (QIB) విభాగంలో 86.3 రెట్లు బెట్ జరిగాయి. పర్పుల్ యునైటెడ్ సేల్స్ IPOలో రిటైల్ పెట్టుబడిదారులు కేవలం 1 లాట్‌కు మాత్రమే బెట్ వేయవచ్చు. IPOలో ఒక లాట్‌లో 1000 షేర్లు ఉన్నాయి. అంటే రిటైల్ ఇన్వెస్టర్లు కంపెనీ ఐపీఓలో రూ.1.26 లక్షలు పెట్టుబడి పెట్టాల్సి ఉంటుంది.

కంపెనీ వ్యాపారం
పర్పుల్ యునైటెడ్ సేల్స్ 2014 సంవత్సరంలో ప్రారంభమైంది. పర్పుల్ యునైటెడ్ అనేది అన్ని వయసుల పిల్లలకు బట్టలు, బూట్లు ఇంకా అసేసోరిస్ అందించే ఫ్యాషన్ బ్రాండ్. ఐపీఓకు ముందు కంపెనీలో ప్రమోటర్ల వాటా 87.54 శాతం ఉండగా, ఇప్పుడు 63.82 శాతానికి తగ్గింది. అంతేకాదు పర్పుల్ యునైటెడ్ కిడ్స్ 14 ఏళ్లలోపు పిల్లలకు బట్టలు, బూట్లు అందిస్తుంది. చివరి బిడ్డింగ్ రోజున chittorgarh.com ప్రకారం పర్పుల్ యునైటెడ్ సేల్స్ IPO సబ్‌స్క్రిప్షన్ స్టేటస్ 160.08 రెట్లు ఉంది.

కంపెనీకి భారతదేశంలో 5 రాష్ట్రాలు, 10 నగరాల్లో విస్తరించి 17 స్పెషల్ అవుట్‌లెట్‌లు (EBOలుగా సూచిస్తారు) ఉన్నాయి. పర్పుల్ యునైటెడ్ కిడ్స్ ప్రోడక్ట్స్ వెబ్‌సైట్, మొబైల్ అప్లికేషన్ ఇంకా Myntra, Amazon, Flipkart, FirstCry, Nykaa, Hopscotch, AJJIO సహా ఇతర ఇ-కామర్స్ ద్వారా ఆన్‌లైన్‌లో సేల్స్ చేయవచ్చు.