PNB: ఖాతాదారులకు షాకివ్వనున్న పంజాబ్ నేషనల్ బ్యాంకు..

పంజాబ్ నేషనల్ బ్యాంక్ తన ఖాతాదారులకు షాకివ్వనుంది. మే 1 నుంచి బ్యాంక్ ఎటీఎం నుంచి డబ్బులు డ్రా చేస్తే చార్జీలు చెల్లించాల్సి రావొచ్చు. పంజాబ్ నేషనల్ బ్యాంక్ వెబ్‌సైట్ ప్రకారం మీరు ATM నుంచి డబ్బు విత్‌డ్రా చేయడానికి వెళ్లి మీ ఖాతాలో తగినంత బ్యాలెన్స్ లేకుంటే మీ ఖాతా నుంచి రూ. 10, GST వసూలు చేసే అవకాశం ఉంది.

అలాగే బ్యాంక్ కస్టమర్‌లు డెబిట్ కార్డ్‌లు, ప్రీపెయిడ్ కార్డ్‌లపై అధిక ఛార్జీలు చెల్లించాల్సి రావచ్చు. ఈ కార్డుల జారీ, నిర్వహణ కోసం వార్షిక రుసుమును పెంచాలని బ్యాంక్ పరిశీలిస్తోంది. POS, డెబిట్ కార్డుల ద్వారా చేసే ఈకామ్ లావాదేవీలపై కూడా ఛార్జీలు విధించాలని బ్యాంక్ యోచిస్తోంది. మీ PNB కార్డ్ పోయినా లేదా దొంగిలించబడినా, మీరు వెంటనే మీ కార్డ్‌ని అనేక మార్గాల్లో బ్లాక్ చేయవచ్చు.