పగలు నిద్ర.. రాత్రి కొలువు! ఇండియా నుండి యూఎస్ షిఫ్టుల్లో పనిచేయడం వల్ల కలిగే 5 లాభ నష్టాలు ఇవే!

భారతదేశంలో ఐటీ (IT) , బిజినెస్ ప్రాసెస్ అవుట్‌సోర్సింగ్ (BPO) రంగాలలో పనిచేసే లక్షలాది మంది ఉద్యోగులకు 'నైట్ షిఫ్టులు' లేదా 'యూఎస్ షిఫ్టులు' (US Shifts) చేయడం అనేది ఒక నిత్యకృత్యం. అమెరికా టైమింగ్స్‌కు అనుగుణంగా ఇక్కడ రాత్రి పూట పనిచేయడం వల్ల చేతినిండా డబ్బులు వస్తున్నా.. లైఫ్ స్టైల్ మాత్రం పూర్తిగా మారిపోతుంది. తాజాగా పూణేకు చెందిన సాయక్ రాయ్ అనే ఇన్‌స్టాగ్రామ్ యూజర్.. ఇండియాలో ఉంటూ యూఎస్ షిఫ్టుల్లో (jobs) చేయడం వల్ల కలిగే 5 ప్రధాన లాభ నష్టాలను (Pros and Cons) వివరిస్తూ పెట్టిన ఒక పోస్ట్ ఇప్పుడు ఇంటర్నెట్‌లో విపరీతంగా వైరల్ అవుతోంది. రాత్రి 7:30 గంటల నుండి తెల్లవారుజామున 4:30 గంటల వరకు పనిచేసిన తన వ్యక్తిగత అనుభవాన్ని ఆయన నెటిజన్లతో పంచుకున్నారు.

యూఎస్ షిఫ్ట్ వల్ల కలిగే 5 అద్భుతమైన లాభాలు (Pros)..

• భారీ జీతాలు & నైట్ అలవెన్సులు: సాధారణ డే షిఫ్ట్ ఉద్యోగులతో పోలిస్తే యూఎస్ షిఫ్టుల్లో పనిచేసే వారికి కంపెనీలు భారీ ప్యాకేజీలతో పాటు అదనంగా 'నైట్ షిఫ్ట్ అలవెన్స్'లను ఇస్తాయి. దీనివల్ల ఆర్థికంగా మంచి బెనిఫిట్స్ ఉంటాయి.
• ప్రశాంతమైన వర్క్ కల్చర్: సాయక్ రాయ్ అభిప్రాయం ప్రకారం.. యూఎస్ క్లయింట్లతో పనిచేసేటప్పుడు వర్క్ కల్చర్ చాలా బాగుంటుంది. ఆఫీస్ టైమింగ్స్ ముగిసిన తర్వాత నిమ్మదిగా లాగాఫ్ చేయవచ్చు, మేనేజర్లు కూడా అదనపు పని కోసం ఒత్తిడి చేయరు.
• అంతర్జాతీయ ఎక్స్‌పోజర్ & కమ్యూనికేషన్: గ్లోబల్ క్లయింట్లతో నిరంతరం మాట్లాడటం వల్ల కమ్యూనికేషన్ స్కిల్స్ (ఇంగ్లీష్ మాట్లాడే నైపుణ్యం) విపరీతంగా మెరుగవుతాయి. అంతర్జాతీయ మార్కెట్ ఎలా పనిచేస్తుందో దగ్గర నుండి చూడవచ్చు.
• పగటిపూట ఖాళీ సమయం: రాత్రి పూట డ్యూటీ చేయడం వల్ల పగటిపూట బ్యాంకు పనులు, షాపింగ్ లేదా వ్యక్తిగత పనులను (Side Quests) ఎలాంటి ఇబ్బంది లేకుండా పూర్తి చేసుకోవచ్చు.
• 'మండే బ్లూస్' ఉండవు: సాధారణంగా ఐటీ ఉద్యోగులకు ఆదివారం రాత్రి కాగానే సోమవారం ఆఫీస్ టెన్షన్ (Monday Blues) మొదలవుతుంది. కానీ యూఎస్ షిఫ్ట్ వాళ్లకు సోమవారం సాయంత్రం వరకు ఆఫీస్ స్టార్ట్ కాదు కాబట్టి వీరు వీకెండ్‌ను కాస్త ఎక్కువ ఎంజాయ్ చేయవచ్చు.

అదే షిఫ్ట్ వల్ల వచ్చే 5 భయంకరమైన నష్టాలు (Cons)..

1. నిద్ర లేమి సమస్యలు (Sleep Cycle Disturbances): నైట్ షిఫ్ట్ ఉద్యోగుల అతిపెద్ద సవాలు ఇక్కడే వస్తుంది. వారు పగటిపూట పడుకోవాలని చూసినా.. బయట సమాజం, ఇరుగుపొరుగు ఇళ్లలో అరుపులు, శబ్దాల వల్ల ప్రశాంతమైన నిద్ర కరువవుతుంది.
2. తీవ్రమైన ఆరోగ్య సమస్యలు: రాత్రి వేళల్లో మేల్కొని ఉండటం వల్ల జీర్ణక్రియ దెబ్బతింటుంది, ఊబకాయం (Obesity), గ్యాస్ సమస్యలు , గుండె జబ్బుల రిస్క్ పెరుగుతుంది.
3. సోషల్ లైఫ్ దూరం: స్నేహితులు, బంధువులు అందరూ పగలు ఖాళీగా ఉంటే.. వీరు రాత్రి ఖాళీగా ఉంటారు. దీనివల్ల పెళ్లిళ్లు, ఫంక్షన్లు, వీకెండ్ పార్టీలకు వెళ్లడం కుదరక బంధాలు బలహీనపడే ప్రమాదం ఉంది.
4. మానసిక ఒత్తిడి & యాంగ్జైటీ: నిద్ర సరిగ్గా లేకపోవడం, ఎప్పుడూ ఒంటరిగా గడపడం వల్ల మూడ్ స్వింగ్స్ (Mood Swings), నిరాశ , యాంగ్జైటీ (ఆందోళన) లాంటి మానసిక సమస్యలు వస్తాయి.
5. తక్కువ ఎనర్జీ లెవెల్స్ & కంటి సమస్యలు: రాత్రంతా లాప్‌టాప్ స్క్రీన్ల వైపు చూడటం వల్ల కళ్లు అలసిపోతాయి. పగటిపూట ఎండ తగలకపోవడం వల్ల విటమిన్-డి లోపించి, శరీరంలో ఎనర్జీ లెవెల్స్ బాగా తగ్గిపోతాయి.

నెటిజన్లు ఏమంటున్నారంటే?

సాయక్ రాయ్ షేర్ చేసిన ఈ పోస్ట్‌పై నెటిజన్లు, ముఖ్యంగా నైట్ షిఫ్ట్ ఐటీ ఉద్యోగులు పెద్ద ఎత్తున కామెంట్లు చేస్తున్నారు. "కొన్నేళ్లుగా నేను ఇదే లైఫ్ లీడ్ చేస్తున్నాను, ఈ లిస్ట్ 100% కరెక్ట్" అని ఒకరు రాయగా.. "ఈ నైట్ షిఫ్ట్ జాబ్స్ అందరికీ సెట్ కావు, ఎవరైతే రాత్రి పూట ఎక్కువ ప్రొడక్టివ్‌గా ఉంటూ ప్రశాంతతను కోరుకుంటారో వారికి మాత్రమే ఇవి బెస్ట్" అని మరికొందరు అభిప్రాయపడ్డారు. అయితే కొందరు నెటిజన్లు మాత్రం పాజిటివ్‌గా స్పందిస్తూ.. నైట్ షిఫ్ట్ వల్ల తాము డే టైమ్‌లో జిమ్‌కు వెళ్లడానికి, మంచి ఫిట్‌నెస్ సాధించడానికి టైమ్ దొరుకుతుందని కామెంట్ చేశారు. ఏదేమైనా.. రూపాయి సంపాదించాలంటే ఒక వైపు లైఫ్ స్టైల్‌ను త్యాగం చేయక తప్పదని ఈ స్టోరీ నిరూపిస్తోంది!