క్రికెటర్ రింకు సింగ్ కాబోయే భార్య ప్రియా సరోజ్ ఆస్తులు ఎంతో తెలుసా ? బంగారం ఎంత ఉందంటే ?

ఇండియన్ క్రికెటర్ రింకు సింగ్ నేడు జూన్ 8న ఎస్పీ ఎంపీ ప్రియా సరోజ్‌తో ఎంగేజ్మెంట్ ఘనంగా జరిగింది. ఈ వేడుక లక్నోలోని ది సెంట్రమ్ హోటల్‌లో మధ్యాహ్నం 1 గంటలకు జరగ్గా ఆ తర్వాత, ఈ జంట 18 నవంబర్ 2025న వారణాసిలోని తాజ్ హోటల్‌లో పెళ్లి చేసుకోనున్నారు. ప్రియా సరోజ్ ఉత్తరప్రదేశ్‌లోని మచ్లిషహర్ నియోజకవర్గం నుండి ఎంపీగా కొనసాగుతున్నారు. ఆమె తండ్రి తూఫానీ సరోజ్ కూడా ఎంపీనే. ఎంపీగా ఉండటమే కాకుండా ప్రియా వృత్తిరీత్యా న్యాయవాది కూడా. ఆమె వయసు ప్రస్తుతం 26 సంవత్సరాలు. 2024లో ఎస్పీ టికెట్‌పై లోక్‌సభ ఎన్నికల్లో పోటీ చేసి విజయం సాధించారు.

ప్రియా సరోజ్ నికర విలువ: బ్యాంకు అకౌంట్లో నగదు
ఎన్నికల్లో పోటీ చేసే ముందు ప్రియా సరోజ్ సమర్పించిన అఫిడవిట్ ప్రకారం, ఆమె మొత్తం ఆస్తుల నికర విలువ దాదాపు రూ.11.26 లక్షలు. ఇందులో ఆమె దగ్గర రూ.75 వేల నగదు ఉంది. ఆమెకు రెండు బ్యాంకు అకౌంట్లు మాత్రమే ఉన్నాయి: కెనరా బ్యాంక్ అకౌంట్లో రూ.8,719, ఇంకా యూనియన్ బ్యాంక్ అకౌంట్లో రూ.10.10 లక్షలు ఉన్నాయి. ప్రియా సరోజ్ దగ్గర ఎలాంటి పాలసీలు లేవు, ఏ పథకంలోనూ డబ్బు ఇన్వెస్ట్ చేయలేదు. ఆమెకు ఎలాంటి బాండ్లు లేదా షేర్ మార్కెట్‌లో పెట్టుబడులు కూడా లేవు. ఎల్‌ఐసి లేదా మరే ఇతర బీమా పాలసీ కూడా ఆమెకు లేవు.

ప్రియా సరోజ్ దగ్గర ఎంత భూమి, ఎంత బంగారం ఉంది అంటే : ప్రియా సరోజ్ పేరు మీద ఎలాంటి భూమి లేదా ఇల్లు లేదు. వాహనం కూడా ఆమెకు సొంతంగా లేదు. అయితే, ప్రియా సరోజ్ దగ్గర బంగారు ఆభరణాలు ఉన్నాయి. అఫిడవిట్ ప్రకారం, ఎంపీ ప్రియా సరోజ్ వద్ద 5 గ్రాముల బంగారు ఆభరణాలు ఉన్నాయి. వాటి విలువ రూ.32 వేలుగా పేర్కొన్నారు.

రింకు సింగ్ మొత్తం ఆస్తుల విలువ: రింకు సింగ్ మొత్తం ఆస్తుల నికర విలువ చూస్తే ప్రియా సరోజ్ కంటే చాలా ఎక్కువ. మీడియా నివేదికల ప్రకారం, రింకు సింగ్ నికర విలువ దాదాపు రూ.18 కోట్లు. రింకు గత సంవత్సరం రూ.3 కోట్ల కంటే ఎక్కువ విలువైన విలాసవంతమైన ఇంటిని కొనుగోలు చేశాడు. ఐపీఎల్ 2025 కోసం రింకు కెకెఆర్ (కోల్‌కతా నైట్ రైడర్స్) నుండి రూ.13 కోట్ల భారీ మొత్తాన్ని అందుకున్నాడు. రింకు సింగ్ బిసిసిఐ (BCCI) సి కేటగిరీలో చేర్చింది, ఈ కేటగిరీ ఆటగాళ్లకు వార్షిక రుసుము రూ.1 కోటి. క్రికెట్‌తో పాటు రింకు ప్రకటనల ద్వారా కూడా సంపాదిస్తాడు.