ఖైదీ నంబర్ 7697; నైటంతా నో ఫుడ్, జైలు గదిలో పడుకున్న పుష్ప..

హైదరాబాద్‌లోని సంధ్య థియేటర్‌లో జరిగిన తొక్కిసలాటలో ఓ మహిళ మృతి కేసులో టాలీవుడ్ ఐకాన్ స్టార్ అల్లు అర్జున్‌ను డిసెంబర్ 13న అదుపులోకి తీసుకున్నారు. దీని తరువాత అతనికి గాంధీ ఆసుపత్రిలో వైద్య పరీక్షలు నిర్వహించిన తర్వాత చంచల్ గూడా జైలుకి అతన్ని 14 రోజుల జ్యుడీషియల్ కస్టడీకి పంపారు, ఆ సమయంలోనే కోర్ట్ నుండి మధ్యంతర బెయిల్ లభించింది. మధ్యంతర బెయిల్ ఆర్డర్ కాపీ అందడంలో ఆలస్యం కావడం వల్ల నేడు ఉదయం విడుదల చేశారు. దింతో అల్లు అర్జున్ చంచల్ గూడ సెంట్రల్ జైలులో ఒక రాత్రి మొత్తం గడపవలసి వచ్చింది. చివరికి అల్లు అర్జున్ తన ముఖంపై చిరునవ్వుతో జైలు నుండి బయటకు వచ్చి తన అభిమానులకు కృతజ్ఞతలు తెలిపాడు. అయితే జైలులో అతని రాత్రి ఎలా గడిచిందో తెలుసా..

అల్లు అర్జున్ న్యాయవాది అశోక్ రెడ్డి ద్వారా హైకోర్టులో బెయిల్ కోసం దరఖాస్తు చేసుకున్నారని, అక్కడ నుండి డిసెంబర్ 13న రూ. 50,000 వ్యక్తిగత బాండ్‌పై మధ్యంతర బెయిల్ లభించిందని, అయితే బెయిల్ పేపర్స్ పనిలో జాప్యం కారణంగా అతను ఒక రాత్రి మొత్తం జైలులో గడపాల్సి వచ్చింది.

ఆ రాత్రి ఇలా ముగిసింది
ఆజ్ తక్‌లో ప్రచురించిన వార్తల ప్రకారం, చంచల్‌గూడ జైలు వర్గాల నుండి అందిన సమాచారం ప్రకారం అల్లు అర్జున్ కి ఖైదీ నంబర్ 7697 ఇచ్చారు. జైలులో రాత్రంతా గడపడం అతనికి అంత సులభం కాదు. జైలు బ్యారక్‌లోని క్లాస్‌-1 గదిలో ఉంచారు. రాత్రంతా ఏమీ తినకుండా నేలపైనే పడుకున్నాడు.

జైలు నుంచి బయటకు వచ్చిన వెంటనే అల్లు అర్జున్ మీడియాతో కూడా మాట్లాడారు. ఆందోళన చెందాల్సిన పని లేదని, తాను క్షేమంగా ఉన్నానని, జరిగినదానికి క్షమాపణలు కోరుతున్నానని చెప్పారు. హీరో మాట్లాడుతూ, "నేను చట్టాన్ని గౌరవిస్తాను, ఈ సంఘటన అనుకోకుండా జరిగింది, చట్టం ఈ కేసును పరిశీలిస్తున్నట్లయితే నేను మధ్యలో మాట్లాడాను. అందరి ప్రేమ ఇంకా సపోర్ట్ కు చాలా ధన్యవాదాలు. మీ సపోర్ట్ వల్లే నేను ఈ రోజు ఇక్కడ ఉన్నాను. అభిమానులకు కృతజ్ఞతలు తెలిపిన అల్లు అర్జున్ కేసు విచారణలో పోలీసులకు పూర్తిగా సహకరిస్తానని చెప్పాడు. అల్లు అర్జున్ జైలు నుండి బయటకు వచ్చాక అతని అభిమానులతో పాటు అతని లాయర్ ఇంకా అతని బావ కూడా అక్కడ ఉన్నారు. జైలు నుంచి బయటకు వచ్చిన తర్వాత ఇంటికి వెళ్లి భార్య, పిల్లలను కలిశాడు.

చనిపోయిన మహిళ భర్త సపోర్ట్
ఈ కేసుకు సంబంధించి చనిపోయిన మహిళ భర్త హీరో అల్లు అర్జున్ కి సపోర్ట్ చేసారు. తన కేసును విత్ డ్రా చేసుకుంటానని కూడా చెప్పారు. అలాగే అతను మాట్లాడుతూ ''నా కొడుకు సినిమా చూడాలనుకున్నాడు. నేను ఫ్యామిలీతో సాయంత్రం థియేటర్‌కి వెళ్ళాను. అప్పుడే అక్కడికి అల్లు అర్జున్ రావడం ఇలా జరగడం అది అతని తప్పు కాదు అని అన్నారు. మరోవైపు అల్లు అర్జున్ జైలు నుండి ఇంటికి వచ్చాక పలువు సినీ ప్రముఖులు, హీరోలు పరామర్శించారు.