పోస్ట్ ఆఫీస్ బెస్ట్ స్కిం.. ఇందులో డబ్బు పెట్టడం వల్ల ఎంత లాభం ఉంటుంది, వడ్డీ రేటు ఎంతంటే ?

ఇవాళ్టి గురించి మాత్రమే ఆలోచించే వారు భవిష్యత్తులో ఆర్థిక పరిస్థితులని ప్లాన్ చేసుకోలేరు. అయితే నేటితో పాటు రేపటి గురించి ఆలోచించే వారు భవిష్యత్తులో ఆర్థిక సమస్యలను ఎదుర్కోవాల్సిన అవసరం లేదు. ఎందుకంటే ఈరోజు పెట్టుబడి పెట్టిన డబ్బు భవిష్యత్తులో ఆర్థిక అవసరాలను తీర్చడానికి ఉపయోగపడుతుంది. మీరు సురక్షితమైన ప్రదేశంలో పెట్టుబడి పెట్టడానికి ఇష్టపడే పెట్టుబడిదారులైతే మీరు ప్రభుత్వ స్కీమ్స్ అనుసరించొచ్చు.

ఇందుకు పోస్ట్ ఆఫీస్ టైమ్ డిపాజిట్ స్కీమ్ (TD) మంచి అప్షన్, కానీ అది మీకు ఎంతవరకు బెస్ట్ ? దానిలో పెట్టుబడి పెట్టడం సరైనదేనా కాదా ? టైమ్ డిపాజిట్ స్కీమ్‌లో ఉన్న వడ్డీ రేటు ఎంత? ఎన్ని సంవత్సరాలు పెట్టుబడి పెట్టవచ్చు? టైమ్ డిపాజిట్ స్కీమ్‌లో ఎవరు పెట్టుబడి పెట్టడానికి అర్హులు? పోస్ట్ ఆఫీస్ ఈ పథకంలో పెట్టుబడి పెట్టే ప్రక్రియ మొదలైన వాటి గురించి మీకోసం...

పోస్ట్ ఆఫీస్ టైమ్ డిపాజిట్ పథకం అంటే ఏమిటి: పోస్ట్ ఆఫీస్ టైమ్ డిపాజిట్ స్కీమ్ అనేది ఒక రకమైన ఫిక్స్‌డ్ డిపాజిట్ స్కీమ్. దీనిలో వివిధ కాలాలకు పెట్టుబడులు పెట్టవచ్చు. ప్రభుత్వ టైమ్ డిపాజిట్ స్కీమ్‌లో 1, 2, 3 ఇంకా 5 సంవత్సరాల కాలానికి పెట్టుబడులు పెట్టవచ్చు. ప్రభుత్వ పథకం కావడంతో ఈ పథకంలో పెట్టుబడి పెట్టడం సురక్షితమైనదిగా పరిగణించవచ్చు.

టైమ్ డిపాజిట్ పథకంలో వడ్డీ రేటు ఎంత:
* ఒక సంవత్సరం పాటు పెట్టుబడి పెడితే సంవత్సరానికి 6.9% వడ్డీ వస్తుంది.
* రెండేళ్ల కాలానికి పెట్టుబడులపై సంవత్సరానికి 7.0% వడ్డీ రేటు లభిస్తుంది.
* మూడు సంవత్సరాల కాలానికి పెట్టుబడి పెడితే సంవత్సరానికి 7.1% వడ్డీ వస్తుంది.
* ఐదేళ్ల కాలానికి పెట్టుబడి పెడితే సంవత్సరానికి 7.5% వడ్డీ ఇంకా 80C కింద పన్ను మినహాయింపు లభిస్తుంది.

టైమ్ డిపాజిట్ పథకంలో ఎవరు పెట్టుబడి పెట్టవచ్చు: భారతీయులు ఎవరైనా ఈ పోస్ట్ ఆఫీస్ టైమ్ డిపాజిట్ స్కీమ్‌లో పెట్టుబడి పెట్టవచ్చు, వయస్సు 18 సంవత్సరాలు లేదా అంతకంటే ఎక్కువ ఉండాలి. ఈ పథకంలో పెట్టుబడి పెట్టడానికి సింగిల్ ఇంకా జాయింట్ అకౌంట్ ఓపెనింగ్ సౌకర్యాలు రెండూ అందిస్తారు. ఒకేసారి 3 మంది జాయింట్ అకౌంట్‌లో చేరవచ్చు. పిల్లల కోసం పెట్టుబడి పెట్టే తల్లిదండ్రులు పిల్లల పేరు మీద టైమ్ డిపాజిట్ స్కీమ్‌లో పెట్టుబడి పెట్టవచ్చు.

టైమ్ డిపాజిట్‌లో ఎంత డబ్బు పెట్టుబడి పెట్టవచ్చు: పోస్ట్ ఆఫీస్ టైమ్ డిపాజిట్ పథకంలో కనీస పెట్టుబడి రూ. 1000. గరిష్ట పెట్టుబడికి ఎటువంటి పరిమితి లేదు. ఈ పథకంలో ఏడాదికి వడ్డీ చెల్లిస్తారు. మీరు 5 సంవత్సరాల స్కిం తీసుకుంటే మీరు ఆదాయపు పన్ను చట్టం 80C కింద పన్ను మినహాయింపు పొందవచ్చు.

టైమ్ డిపాజిట్లలో ఎలా పెట్టుబడి పెట్టాలి: టైమ్ డిపాజిట్‌లో పెట్టుబడి పెట్టడానికి, మీరు పోస్టాఫీసుకు వెళ్లాలి. ఇక్కడ మీరు సేవింగ్స్ అకౌంట్ తెరవాలి లేదా టైమ్ డిపాజిట్ కోసం అకౌంట్ తెరవవచ్చు. దీని కోసం ఒక ఫామ్ నింపాలి. పేరు, అడ్రస్, ఫోన్ నంబర్ కాకుండా, మీరు పెట్టుబడి పెట్టాలనుకుంటున్న కాలాన్ని కూడా ఫామ్‌లో వ్రాయాలి. మీరు ఈ పథకంలో నెలకు కనీసం రూ. 1000 పెట్టుబడి పెట్టవచ్చు. 1, 2, 3 ఇంకా 5 సంవత్సరాల కాలానికి పెట్టుబడి పెట్టే సౌకర్యం ఉంటుంది.