Post Office TD: పోస్టాఫీస్ TD లో రూ.1 లక్ష పెట్టుబడిపై 5 ఏళ్లలో ఎంత వస్తుందంటే..

బ్యాంకుల లాగానే పోస్టాఫీస్ కూడా అనేక రకాల బ్యాంకింగ్ , పొదుపు పథకాలను అందిస్తోంది. వీటిలో RD, MIS, PPF, SSA వంటి వాటితో పాటు పోస్టాఫీస్ టైమ్ డిపాజిట్ (TD) పథకం చాలా పాపులర్. పోస్టాఫీస్ TD ను బ్యాంకుల ఫిక్స్‌డ్ డిపాజిట్ (FD) తో సమానంగా పరిగణిస్తారు. ఇందలో రూ. లక్ష పెట్టుబడి పెడితే ఎంత సంపాదించొచ్చో ఇప్పుడు తెలుసుకుందాం.

పోస్టాఫీస్ TD పథకం అనేక బ్యాంక్ FDల కంటే మెరుగైనదిగా పరిగణించబడుతోంది. సాధారణ బ్యాంకుల్లో FD చేసినప్పుడు లభించే వడ్డీ కంటే, Post Office TD ద్వారా లభించే వడ్డీ రేట్లు ప్రస్తుతం ఎక్కువగా ఉన్నాయి.

వడ్డీ రేట్లు ఇలా..

ఈ స్కీమ్ లో మీరు 1, 2, 3 లేదా 5 సంవత్సరాల కాలానికి మీ డబ్బును డిపాజిట్ చేయవచ్చు. ఇందులో ప్రస్తుత వడ్డీ రేట్లు ఇలా ఉన్నాయి:

• 1 సంవత్సరం: 6.9%
• 2 సంవత్సరాలు: 7.0%
• 3 సంవత్సరాలు: 7.1%
• 5 సంవత్సరాలు: 7.5%

దీన్ని బట్టి చూస్తే.. అనేక పెద్ద బ్యాంకుల కంటే కూడా ఎక్కువ వడ్డీని ఈ పోస్టాఫీస్ స్కీమ్ అందిస్తుంది. దాదాపు 7.5% వడ్డీ రేటుతో ఈ పథకం మంచి రాబడిని ఇస్తుంది.

రూ.1 లక్ష పెట్టుబడి పెడితే..

మీరు రూ.1 లక్ష పెట్టుబడి పెడితే ఎంత సంపాదించవచ్చో ఇప్పుడు లెక్క వేసి చూద్దాం.
మీరు రూ.1 లక్షను ఐదేళ్ల కాలానికి 7.5% వడ్డీ రేటుతో పోస్ట్ ఆఫీస్ TD లో పెట్టుబడి పెడితే..

• వడ్డీ మొత్తం: రూ.44,995
• మొత్తం రాబడి: రూ.1,44,995 (అసలు రూ.1 లక్ష + వడ్డీ రూ.44,995)

అంటే ఈ స్కీమ్ లో రూ.1 లక్ష పెట్టుబడి పెడితే ఐదేళ్లకు సుమారు రూ.1,50,000 పొందొచ్చన్న మాట. ఇదే మొత్తాన్ని తక్కువ వడ్డీ రేటు ఉన్న బ్యాంక్ FDలో ఉంచితే వచ్చే రాబడితో పోల్చి చూస్తే.. పోస్ట్ ఆఫీస్ TD యొక్క ప్రయోజనం చాలా స్పష్టంగా కనిపిస్తుంది.

ప్రభుత్వ హామీ..

పోస్ట్ ఆఫీస్ TD లో పెట్టుబడి పెట్టడం వల్ల లభించే అతిపెద్ద ప్రయోజనం భద్రత. పోస్ట్ ఆఫీస్ పథకాలకు 100% ప్రభుత్వ హామీ ఉంటుంది. పోస్టల్ వ్యవస్థ నేరుగా కేంద్ర ప్రభుత్వం ఆధ్వర్యంలో పనిచేస్తుంది కాబట్టి మీ డబ్బుకు ఎటువంటి మార్కెట్ రిస్క్ ఉండదు. అసలు , వడ్డీని సకాలంలో చెల్లిస్తామని ప్రభుత్వం హామీ ఇస్తుంది.

అందరికీ అందుబాటులో...

పోస్ట్ ఆఫీస్ TD లో పెట్టుబడి పెట్టడానికి లక్షల రూపాయలు అవసరం లేదు. కేవలం రూ.1,000 తో కూడా ఖాతా తెరవవచ్చు. గరిష్ట పరిమితి అంటూ ఏమీ లేదు. మీరు ఎంతైనా పెట్టుబడి పెట్టవచ్చు. తక్కువ ఆదాయం ఉన్నవారు, పెద్ద మొత్తంలో పొదుపు ఉన్నవారు... ఇలా అందరికీ ఈ పథకం అనుకూలంగా ఉంటుంది.

బెస్ట్ స్కీమ్..

అంతేకాకుండా, ముగ్గురు వ్యక్తుల వరకు జాయింట్ అకౌంట్ (Joint Account) కూడా తెరవవచ్చు. ఇది కుటుంబాలు కలిసి పొదుపు చేయడానికి సహాయపడుతుంది. Post Office TD వృద్ధులు, యువకులు అనే తేడా లేకుండా అందరికీ ఒకే వడ్డీ రేటును అందిస్తుంది. బేస్ వడ్డీ రేటు మెరుగ్గా ఉండటం వల్ల అందరికీ లాభదాయకంగా ఉంటుంది. మీరు రిస్క్ లేకుండా సురక్షితమైన రాబడిని కోరుకుంటూ, భవిష్యత్తు కోసం బలమైన ఆర్థిక పునాది వేయాలనుకుంటే.. 5 సంవత్సరాల పోస్ట్ ఆఫీస్ TD మీకు బెస్ట్ చాయిస్ అవుతుంది.