Banking News: ఇండస్‌ ఇండ్‌ బ్యాంక్‌తో జతకట్టిన పూనావాలా ఫిన్‌కార్ప్.. ఎన్నో బెనిఫిట్స్‌తో కొత్త కార్డ్

Credit Cards: పెరుగుతున్న ప్రజల అవసరాలను తీర్చేందుకు పలు ఆర్థిక సంస్థలు రంగంలోకి దిగుతున్నాయి. క్రెడిట్ కార్డులు జారీలో యాక్టివ్‌గా పార్టిసిపేట్ చేస్తున్నాయి. ఈ మధ్యన కో-బ్రాండెడ్ క్రెడిట్ కార్డులకు డిమాండ్ మరింత పెరిగింది. దీంతో బ్యాంకులు లేదా ఆర్థిక సంస్థలు పలు ఇతర కంపెనీలతో జతకట్టి ఈ సేవలందించేందుకు ముందుకు వస్తున్నాయి.

తాజాగా మార్కెట్లోకి మరో కొత్త కో బ్రాండెడ్ క్రెడిట్ కార్డ్ వచ్చింది. ఇండస్ఇండ్ బ్యాంక్ తో పూనావాలా ఫిన్‌కార్ప్ లిమిటెడ్ జతకట్టింది. ఇరు సంస్థలూ కలిసి ఈ రూపే ప్లాటినం క్రెడిట్ కార్డును మార్కెట్లో రిలీజ్ చేశాయి. దీని ద్వారా ఈజీగా UPI పేమెంట్స్ చేసుకోవచ్చు. రూపే నెట్వర్క్ ద్వారా భారత్‌లో UPI పేమెంట్లు జరిపే అవకాశం ఉండటంతో ఇప్పుడు దాదాపు అన్ని సంస్థలు ఇదే విధమైన కార్డులను రిలీజ్ చేస్తున్నాయి.

ఈ క్రెడిట్ కార్డు పొందేందుకు ఎటువంటి అప్లికేషన్ లేదా జాయినింగ్ ఫీజును చెల్లించాల్సిన అవసరం లేదు. పైగా ఎంపిక చేసిన పేమెంట్ లకు సంబంధించి గరిష్టంగా 2.5 శాతం రివార్డ్ పాయింట్లు పొందవచ్చ. మరి కొన్ని లావాదేవీలపై 1 శాతం ఇంకొన్నిటిపై 0.5 శాతం చొప్పున రివార్డ్ పాయింట్లు ఇచ్చేందుకు ఆ సంస్థలు సిద్ధమయ్యాయి.

ఇంధన సంబంధిత పేమెంట్స్ పై రివార్డ్ పాయింట్స్ ఏమీ ఉండవు కానీ సర్‌ ఛార్జ్ మాత్రం మినహాయింపు లభిస్తుంది. ఈ రివార్డు పాయింట్లను రెండేళ్ల వరకు వినియోగించుకోవచ్చు. బుక్ మై షో లో వన్ ప్లస్ వన్ టికెట్ ఆఫర్ తో పాటు ఏడాదిలో 4 లక్షలు ఖర్చు చేస్తే మరో 3 వేల మేరకు బోనస్ రివార్డు పాయింట్లు సొంతం చేసుకునే అవకాశం ఉంది.