Year Ender 2019: క్రికెట్ ప్రపంచకప్, చంద్రయాన్, ఆర్టికల్ 370, పీఎం కిసాన్: 2019 గూగుల్ టాప్ 10 ఇవే

గూగుల్ సెర్చింజన్‌లో ఎక్కువగా వెతికిన టాప్ 10 అంశాలు..

- క్రికెట్ వరల్డ్ కప్ Cricket World Cup

- లోకసభ ఎన్నికలు Lok Sabha Elections

- చంద్రయాన్ 2 Chandrayaan 2

- కబీర్ సింగ్ 'Kabir Singh'

- అవెంజర్స్:ఎండ్ గేమ్ 'Avengers: Endgame'

- ఆర్టికల్ 370 Article 370

- నీట్ ఫలితాలు NEET results

- జోకర్ 'Joker'

- కెప్టెన్ మార్వెల్ 'Captain Marvel'

- పీఎం కిసాన్ యోజన PM Kisan Yojana

క్రికెట్ ప్రపంచకప్

మే 30 నుంచి జూలై 14వ తేదీ మధ్య జరిగిన క్రికెట్ వరల్డ్ కప్‌ను 2.6 బిలియన్ల మంది చూశారు. గూగుల్ సెర్చ్‌లో ఇది అగ్రస్థానంలో ఉంది. సెమీ ఫైనల్లో న్యూజిలాండ్ చేతిలో భారత్ వెనుదిరిగినప్పటికీ అత్యధికులు క్రికెట్ ప్రపంచ కప్ కోసం వెతికారు. టాప్ 10లో ఇది మొదటి స్థానంలో నిలిచింది.

లోకసభ ఎన్నికలు

2019 ఏప్రిల్ - మధ్య జరిగిన లోకసభ ఎన్నికలను కూడా ఎక్కువమంది వెతికారు. ఇది రెండో స్థానంలో నిలిచింది. ఈ సార్వత్రిక ఎన్నికల్లో నరేంద్ర మోడీ నేతృత్వంలోని ఎన్డీయే ప్రభుత్వం 2014 కంటే అద్భుత విజయం సాధించింది. పథకాల పేరుతో అధికారంలోకి వస్తుంటారని, కానీ మోడీ ప్రభుత్వం మాత్రం జీఎస్టీ, నోట్ల రద్దు వంటి కఠిన నిర్ణయాలు తీసుకొని తిరిగి అధికారంలోకి వచ్చిందనే వాదనలు ఉన్నాయి.

చంద్రయాన్ 2

భారత్ ఎంతో ప్రతిష్టాత్మకంగా చేపట్టిన ప్రాజెక్టు చంద్రయాన్ 2. ఈ ప్రాజెక్టు విఫలమైనప్పటికీ ప్రపంచవ్యాప్తంగా ఇస్రో మన్ననలు అందుకుంది. ఈ ప్రయోగంలో ల్యాండింగ్‌కు కొద్ది నిమిషాల ముందు విక్రమ్ ల్యాండర్‌లో తలెత్తిన లోపం కారణంగా కమ్యూనికేషన్ కోల్పోయింది. ఈ ప్రయోగం సమయంలో ప్రధాని మోడీ ఇస్రో కంట్రోల్ సెంటర్‌లో ఉన్నారు. ఇస్రో చీఫ్ శివన్‌కు ప్రధాని ఓదార్పు అందరినీ కదిలించింది.

కబీర్ సింగ్

షాహిద్ కపూర్, కియారా అద్వానీ జంటగా సందీప్ రెడ్డి వంగ దర్శకత్వంలో వచ్చిన బాలీవుడ్ చిత్రం కబీర్సింగ్. గూగుల్ సెర్చ్‌లో ఇది నాలుగో స్థానం దక్కించుకుంది. తెలుగులో విజయ దేవరకొండ హీరోగా నటించిన అర్జున్ రెడ్డికి ఇది రీమేక్.

అవెంజర్స్:ఎండ్ గేమ్

హాలీవుడ్ చిత్రాలకు భారత్‌లోను మంచి ఆదరణ ఉంటుంది. అవేంజర్స్ సిరీస్‌లో వచ్చిన అవెంజర్స్:ఎండ్ గేమ్ గూగుల్ సెర్చింజన్‌లో ఐదో స్థానంలో నిలిచింది. మార్వెల్ సంస్థ దీనిని రూపొందించింది.

ఆర్టికల్ 370

దాదాపు ఏడు దశాబ్దాల తర్వాత జమ్ము కాశ్మీర్‌కు ప్రత్యేక ప్రతిపత్తిని కల్పించే ఆర్టికల్ 370 రద్దు ద్వారా మోడీ ప్రభుత్వం యావత్ భారతం మన్ననలు అందుకుంది. ఆగస్ట్ 5వ తేదీన ఈ ఆర్టికల్‌ను రద్దు చేశారు. రాజ్యసభలో ఈ అంశంపై కేంద్ర హోంశాఖ మంత్రి అమిత్ షా మాట్లాడుతూ.. ఇది చారిత్రక నిర్ణయం అన్నారు.

నీట్ ఫలితాలు

ఎంబీబీఎస్, బీడీఎస్ కోర్సుల్లో ప్రవేశాల కోసం నిర్వహించిన నీట్ ఫలితాల కోసం కూడా ఎక్కువ మంది వెతికారు. ఇది ఏడో స్థానంలో నిలిచింది.

జోకర్

జోక్వీన్ ఫోనిక్స్ ప్రధాన పాత్రలో వచ్చిన హాలీవుడ్ చిత్రం జోకర్ ఎనిమిదో స్థానంలో నిలిచింది.

కెప్టెన్ మార్వెల్

గూగుల్ జాబితాలో హాలీవుడ్ సినిమా కెప్టెన్ మార్వెల్ తొమ్మిదో స్థానంలో నిలిచింది.

పీఎం కిసాన్ యోజన

రైతులకు ఏడాదికి రూ.6వేలు పెట్టుబడి సాయం కింద అందించేందుకు ప్రధాని నరేంద్ర మోడీ పీఎం కిసాన్ యోజన పథకాన్ని ప్రవేశపట్టారు. దీనిని కూడా గూగుల్‌లో ఎక్కువ మంది వెతికారు. టాప్ 10 జాబితాలో దీనికి కూడా చోటు దక్కింది.