Penny Stock: లక్షను కోట్లుగా మార్చేసిన పెన్నీ స్టాక్.. లిక్కర్ స్టాక్ కోసం ఇన్వెస్టర్ల పరుగులు..

Multibagger Stock: దేశీయ స్టాక్ మార్కెట్లలో కొనసాగుతున్న ర్యాలీ పెన్నీ మల్టీబ్యాగర్ షేర్లకు భారీగా కలిసొస్తోంది. ఈ క్రమంలోనే ఒక లిక్కర్ కంపెనీ షేర్ల కోసం ఇన్వెస్టర్లు ఎగబడుతున్నట్లు తెలుస్తోంది.

ఇప్పుడు మనం తెలుసుకోబోతున్నది పికాడిల్లీ ఆగ్రో లిమిటెడ్ కంపెనీ షేర్ల గురించే. హర్యానాకు చెందిన ఈ లిక్కర్ కంపెనీ షేర్ల కోసం ప్రస్తుతం ఇన్వెస్టర్లు ఎగబడుతున్నారు. కొద్ది రోజుల విరామం తర్వాత రెండు ట్రేడింగ్ సెషన్లలో స్టాక్ అప్పర్ సర్క్యూట్ తాకటంతో మళ్లీ మల్టీబ్యాగర్ వార్తల్లో నిలిచింది. ఈ క్రమంలో స్టాక్ ధర నేడు 5 శాతం అప్పర్ సర్క్యూట్లో లాక్ అయ్యి రూ.253.35 వద్ద బీఎస్ఈలో కొనసాగుతోంది.

ప్రస్తుతం పిక్కడిల్లీ ప్రపంచంలోనే అత్యుత్తమ విస్కీ తయారీ కంపెనీగా గుర్తింపు పొందింది. పైగా ఈ కంపెనీ నుంచి దీపావళి 2023లో విడుదలైన ఎడిషన్ ఇంద్రి ఉత్తమ విస్కీ అవార్డును అందుకుంది. ఈ పెన్నీ స్టాక్ ధర జూలై 11, 1997న ఒక్కొక్కటి కేవలం 25 పైసలు మాత్రమే. ఆ సమయంలో ఎవరైనా ఇన్వెస్టర్ కంపెనీ షేర్లలో లక్ష రూపాయలు పెట్టుబడిగా పెట్టినట్లయితే దాని ప్రస్తుత మార్కెట్ విలువ దాదాపు రూ.10 కోట్లకు దగ్గరగా చేరుకుంది. ఈ మల్టీబ్యాగర్ లిక్కర్ స్టాక్ కేవలం ఈ ఏడాది ఇప్పటి వరకు 450 శాతం మేర ఇన్వెస్టర్లకు రాబడిని అందించింది.

పిక్కడిల్లీ తన కొత్త పెట్టుబడిదారులను కూడా నిరాశపరచలేదు. ఈ ఏడాది ప్రారంభంలో ఈ స్టాక్‌లో డబ్బు పెట్టుబడి పెట్టిన వారు మంచి లాభాలనే సంపాదించారు. వీరు దాదాపు ఐదున్నర రెట్లు రాబడిని పొందారు. అలాగే కనీసం 6 నెలల కిందట కంపెనీ షేర్లలో పెట్టుబడి పెట్టి ఇప్పటి వరకు కొనసాగిస్తున్న ఇన్వెస్టర్లు సైతం దాదాపు మూడున్నర రెట్లు రాబడిని అందుకున్నారు. స్టాక్ 52 వారాల గరిష్ఠ ధర రూ.328గా ఉండగా.. 52 వారాల కనిష్ఠ ధర రూ.38.70గా నిలిచింది.