Shares Buy Back: షేర్లను బైబ్యాక్ చేస్తున్న ఫార్మా స్టాక్.. మార్కెట్ ధర కంటే ఎక్కువ రేటుకే..

Buy Back Of Shares: మంచి లాభాలను నమోదు చేస్తున్న చాలా కంపెనీలు ప్రస్తుతం ఈక్విటీ మార్కెట్లలోని తమ షేర్లను తిరిగి కొంటున్నాయి. ఈ క్రమంలో మంగళవారం నుంచి జెన్‌బర్క్ట్ ఫార్మాస్యూటికల్స్ లిమిటెడ్ తన షేర్ల బైబ్యాక్ ప్రారంభం కానుంది. గత కొన్నేళ్లుగా కంపెనీ తన ఇన్వెస్టర్లకు అద్భుతమైన రాబడిని ఇచ్చింది.'

మార్కెట్లో స్టాక్ ధర..

ఏదైనా కంపెనీ బోనస్, డివిడెండ్, బైబ్యాక్ లాంటివి ప్రకటించటం చాలా గొప్ప వార్త. ఈ క్రమంలోనే జెన్‌బర్క్ట్ ఫార్మాస్యూటికల్స్ లిమిటెడ్ బైబ్యాక్ త్వరలో స్టాక్ మార్కెట్‌లో ప్రారంభం కానుంది. సోమవారం మార్కెట్లు ముగిసే సమయంలో బీఎస్ఈలో కంపెనీ ఒక్కో షేరు ధర రూ.642గా ఉంది.

రూ.60 ఎక్కువకు కొనుగోలు..

ఫార్మా రంగంలోని ఈ స్మాల్ క్యాప్ కంపెనీ బోర్డు ఒక్కో షేరుకు రూ.702 చెల్లించాలని బైబ్యాక్ రేటును నిర్ణయించింది. కంపెనీ ఈ బైబ్యాక్ ఆఫర్ 13 డిసెంబర్ 2022న ఇన్వెస్టర్లకు అందుబాటులోకి తీసుకొస్తోంది. ఈ ఆఫర్ వచ్చే 6 నెలల వరకు తెరిచి ఉంటుందని కంపెనీ వెల్లడించింది. అంటే కంపెనీ బైబ్యాక్ ప్రక్రియ జూన్ 12, 2023 వరకు అందుబాటులో ఉంటుంది.

షేర్ బైబ్యాక్ వివరాలు..

* బైబ్యాక్ ఒక్కో షేరుకు ధర రూ.702

* బైబ్యాక్ 13 డిసెంబర్ 2022 నుంచి ప్రారంభం

* ఫార్మా స్టాక్ బైబ్యాక్ ముగింపు 12 జూన్ 2023

* బైబ్యాక్ సైజు రూ. 11.60 కోట్ల విలువైన షేర్లను కొంపెనీ తిరిగి కొంటోంది

* బైబ్యాక్ కారణంగా అర్హత ఉన్న పెట్టుబడిదారులు 10 శాతం ప్రయోజనం పొందుతారు

కంపెనీ పనితీరు..

గత నెలలో కంపెనీ షేరు ధర 8.33 శాతం లాభపడింది. ఎవరైనా పెట్టుబడిదారుడు 6 నెలల కిందట ఈ కంపెనీ షేర్లలో పెట్టుబడి పెట్టినట్లయితే వారు 19.63 శాతం రాబడిని పొందేవారు. 2022 ప్రారంభం నుంచి ఇప్పటి వరకు 14 శాతం షేర్ ధర పెరిగింది. కంపెనీ స్టాక్ 52 వారాల గరిష్ఠ ధర రూ.699.70 ఉండగా.. 52 వారాల కనిష్ఠ ధర రూ.452.10 గా ఉంది. ఫార్మా రంగంలో స్టాక్ మంచి రాబడులను అందించింది.