Petrol, diesel prices: పెట్రోల్, డీజిల్ ధరలు యథాతథం

వరుసగా రెండు రోజుల పాటు పెరిగిన తర్వాత పెట్రోల్, డీజిల్ ధరలు నేడు స్థిరంగా ఉన్నాయి. ఇటీవలి వరకు 10 రాష్ట్రాల్లో లీటర్ పెట్రోల్ రూ.100 క్రాస్ చేయగా, నిన్నటి పెరుగుదలతో బీహార్ రాష్ట్రంలోను ఈ మార్కును దాటింది. దీంతో సెంచరీ దాటిన రాష్ట్రాలు/కేంద్రపాలిత ప్రాంతాల్లో బీహార్ 11వ రాష్ట్రంగా నిలిచింది. మే 4వ తేదీ నుండి చమురు ధరలు 31 రోజులు పెరిగాయి.

సెంచరీ దాటిన రాష్ట్రాలు/కేంద్రపాలిత ప్రాంతాల్లో మహారాష్ట్ర, రాజస్థాన్, ఆంధ్రప్రదేశ్, మధ్యప్రదేశ్, కర్నాటక, తెలంగాణ, ఒడిశా, మణిపూర్, జమ్ము కాశ్మీర్, లడక్, బీహార్ ఉన్నాయి. నిన్నటి పెరుగుదలతో ఢిల్లీలో లీటర్ పెట్రోల్ ధర రూ.98.46గా ఉంది. డీజిల్ రూ.88.90గా నిలిచింది. ముంబైలో లీటర్ పెట్రోల్ రూ.104.56, డీజిల్ రూ.96.42గా ఉంది. కోల్‌కతాలో లీటర్ పెట్రోల్ రూ.98.30, డీజిల్ రూ.91.75గా ఉంది. చెన్నైలో పెట్రోల్ రూ.99.49, డీజిల్ రూ.93.46గా ఉంది. తెలుగు రాష్ట్రాల్లోను లీటర్ పెట్రోల్ ధర రూ.102 దాటింది.

పెట్రోల్, డీజిల్ ధరల్లో అరవై శాతానికి పైగా పన్నులు ఉన్నాయి. పెట్రోల్, డీజిల్ పైన రాజస్థాన్‌లో అత్యధిక వ్యాట్, ట్యాక్స్ ఉంది. ఆ తర్వాత మధ్యప్రదేశ్, మహారాష్ట్ర, ఆంధ్రప్రదేశ్, తెలంగాణలలో ఎక్కువ ట్యాక్స్ ఉంది. రాజస్థాన్‌లోని శ్రీగంగానగర్‌లో లీటర్ పెట్రోల్ ధర రూ.100 దాటిన మొదటి ప్రాంతం. మిడ్ ఫిబ్రవరి నుండి నెలలో పెట్రోల్ ధర ఇక్కడ సెంచరీ దాటింది. నేడు లీటర్ పెట్రోల్ పైన 35 పైసలు, లీటర్ డీజిల్ పైన 25 పైసలు పెరిగింది. హైదరాబాద్‌లో లీటర్ పెట్రోల్ రూ.102.32, లీటర్ డీజిల్ రూ.96.90గా ఉంది.