వివిధ నగరాల్లో నేడు పెట్రోల్, డీజిల్ ధరలు ఎలా ఉన్నాయంటే

నిన్న పెరిగిన పెట్రోల్, డీజిల్ ధరలు నేడు (సోమవారం 24, మే) యథాతథంగా ఉన్నాయి. దేశీయ చమురు మార్కెటింగ్ కంపెనీలు ధరల్లో ఎలాంటి మార్పులేదు. ఇండియన్ ఆయిల్ కార్పోరేషన్ లిమిటెడ్ ప్రకారం దేశ రాజధాని న్యూఢిల్లీలో లీటర్ పెట్రోల్ ధర రూ.93.21, లీటర్ డీజిల్ రూ.84.07గా ఉంది. పెట్రోల్, డీజిల్ ధరలు ఆదివారం స్వల్పంగా పెరిగాయి.

మెట్రో నగరాల్లో సరికొత్త రికార్డును తాకాయి. నిన్న లీటర్ పెట్రోల్ పైన 17 పైసలు, లీటర్ డీజిల్ పైన 29 పైసలు పెరిగింది. నిన్నటి పెరుగుదలతో ఈ నెలలో 12వ పెంపు. ముంబైలో లీటర్ పెట్రోల్ రూ.100కు సమీపంలో ఉంది. ముంబైలో పెట్రోల్ రూ.99.49, డీజిల్ రూ.91.30గా ఉంది. దేశీయ చమురు రంగ కంపెనీలు అంతర్జాతీయ ధరలకు అనుగుణంగా ప్రతిరోజు ఉదయం ఇంధన ధరలను సవరిస్తాయి.

పెట్రోల్, డీజిల్‌పై కేంద్ర, రాష్ట్ర పన్నుల వాటానే అధికం. ఉదాహరణకు ఢిల్లీలో చూసుకుంటే మే 16న లీటర్ పెట్రోల్ రూ.92.88గా ఉంది. ట్యాక్స్ బ్రేక్ చూసుకుంటే లీటర్ పెట్రోల్ బేస్ ప్రైస్ రూ.34.19. రవాణా తదితర ఖర్చులు 0.36 పైసలు. డీలర్స్‌కు వేసే ఛార్జ్ (ఎక్సైజ్ డ్యూటీ, వ్యాట్ మినహా) రూ.34.55. ఎక్సైజ్ డ్యూటీ రూ.32.90. డీలర్ కమిషనర్ (యావరేజ్) రూ.3.77. వ్యాట్ రూ.21.36. ఢిల్లీలో లీటర్ పెట్రోల్ మే 16వ తేదీన రూ.83.22గా ఉంది. ట్యాక్స్ బ్రేక్ చూస్తే బేస్ ప్రైస్ రూ.36.32. రవాణా తదితర ఖర్చులు 0.33 పైసలు. డీలర్స్‌కు వేసే ఛార్జ్ (ఎక్సైజ్ డ్యూటీ, వ్యాట్ మినహా) రూ.36.65. ఎక్సైజ్ డ్యూటీ రూ.31.80. డీలర్ కమిషనర్ (యావరేజ్) రూ.2.58. వ్యాట్ రూ.12.19.

వివిధ నగరాల్లో పెట్రోల్, డీజిల్ ధర

ముంబైలో పెట్రోల్ రూ.99.49, డీజిల్ రూ.91.30
కోల్‌కతాలో పెట్రోల్ రూ.93.27, డీజిల్ రూ.86.91
చెన్నైలో పెట్రోల్ రూ.94.86, డీజిల్ రూ.88.87
బెంగళూరులో పెట్రోల్ రూ.96.31, డీజిల్ రూ.89.12
హైదరాబాద్‌లో పెట్రోల్ రూ.96.88, డీజిల్ రూ.91.65
తిరువనంతపురంలో పెట్రోల్ రూ.95.19, డీజిల్ రూ.90.36
జైపూర్‌లో పెట్రోల్ రూ.99.68, డీజిల్ రూ.92.78
పాట్నాలో పెట్రోల్ రూ.96.19, డీజిల్ రూ.90.07
చండీగడ్‌లో పెట్రోల్ రూ.89.66, డీజిల్ రూ.83.73