NPS: UPI ద్వారా ఎన్పీఎస్ చెల్లింపులు చెయ్యొచ్చు.. ఎలాగంటే..?

PFRDA, NPS ఖాతాదారులకు మరో సౌలభ్యం కల్పించింది. యూనిఫైడ్ పేమెంట్స్ ఇంటర్‌ఫేస్ (UPI) ద్వారా మీ నేషనల్ పెన్షన్ సిస్టమ్ (NPS) ఖాతాకు డబ్బులు చెల్లించవచ్చని పేర్కొంది. ఖాతాదారుల సౌకర్యర్థం ఈ నిర్ణయం తీసుకున్నట్లు తెలిపింది. ప్రస్తుతం IMPS, NEFT, RTGS వంటి ఇతర ఇంటర్నెట్ బ్యాంకింగ్ మాధ్యమాలను ఉపయోగించి చెల్లింపులు చేసేవారు.

యూపీఐ హ్యాండిల్‌

ఇందుకోసం యూపీఐ హ్యాండిల్‌ (PFRDA.15digitVirtualAccount@axisbank)ను కొత్త‌గా ఖాతాదారులకు అందుబాటులోకి తీసుకొచ్చారు. డీ-రెమిట్ వర్చువ‌ల్ అకౌంట్, అనుబంధిత శాశ్వత ఖాతా సంఖ్య (PRAN)కి భిన్నంగా ఉంటుందని పీఎఫ్ఆర్డీఏ పేర్కొంది. ఇది 6001 లేదా 6002 నుంచి ప్రారంభ‌మ‌వుతుంద‌ని వెల్లడించింది. అలాగే, టైర్ I & II ఖాతాల‌కి కూడా డీ-రెమిట్ వర్చువల్ ఖాతా సంఖ్య వేరు వేరుగా ఉంటుందని తెలిపింది.

D-Remit

D-Remit కింద ఉదంయో 09:30 AM లోపు ట్రస్టీ బ్యాంక్ (TB) ద్వారా స్వీకరించిన విరాళాలు అదే రోజు పెట్టుబడి కోసం పరిగణిస్తారని PFRDA వివరించింది. 09:30 AM తర్వాత వచ్చిన డిపాజిట్లు మార్గదర్శకాల ప్రకారం తదుపరి పెట్టుబడి రోజున పెట్టుబడి కోసం పరిగణిస్తామని చెప్పింది. పెన్షన్ రెగ్యులేటర్ డి-రెమిట్ కింద కంట్రిబ్యూషన్ కనీస విలువ రూ.500 లుగా నిర్ణయించింది.

UPI హ్యాండిల్ ద్వారా సబ్‌స్క్రైబర్ వర్చువల్ ఖాతా నంబర్‌ను ఎలా తెలుసుకోవాలంటే..

దశ 1 - CRA సిస్టమ్‌లో eNPS వెబ్‌సైట్‌కు వెళ్లాలి.

దశ 2 - PRANని ధృవీకరించడానికి వివరాలను అందించాలి.

దశ 3 - మొబైల్ నంబర్/ఇమెయిల్ ID ద్వారా అందుకున్న OTPని నమోదు చేయాలి.

దశ 4 - వర్చువల్ ఖాతాను సృష్టించాల్సిన ఖాతా-టైర్ I లేదా IIని ఎంచుకోవాలి.

దశ 5 - చదివి మీ సమ్మతిని తెలియజేయండి.

దశ 6 - 'వర్చువల్ ఖాతాను రూపొందించు'పై క్లిక్ చేసి తర్వాత, ఆపై అభ్యర్థన ట్రస్టీ బ్యాంక్‌కు ఫార్వార్డ్ అవుతుంది.

దశ 7 - UPI హ్యాండిల్‌లో, PRANకి నిధులను పంపడం కోసం, 'PFRDA.15digitVirtualAccount@axisbank' ఫార్మాట్‌లో 15-అంకెల వర్చువల్ ఖాతా నంబర్‌ను నమోదు చేయాలి.