Mutual Funds:రూ.10,000 పెట్టుబడిని 37 లక్షలుగా మార్చిన మ్యూచువల్ ఫండ్.. మీకు తెలుసా..??

Investments: మ్యూచువల్ ఫండ్స్ లాభాలను ఆర్జించడానికి ఒక గొప్ప మార్గంగా మారిపోయింది. అయితే ఏ ఫండ్‌లో పెట్టుబడి పెట్టాలో ఎంచుకోవడంలో అసలు కిటుకు ఉంటుంది. అప్పుడే మీరు మీ పెట్టుబడికి మంచి రాబడిని పొందవచ్చు. గత 10 సంవత్సరాలలో బాగా పనిచేసిన, సుమారు 19.65% వార్షిక వృద్ధి రేటును అందించిన అద్భుతమైన ఫండ్ వివరాలను తెలుసుకుందాం.

పరాగ్ పారిఖ్ ఫ్లెక్సీ క్యాప్ ఫండ్ అనేది విదేశీ స్టాక్‌లలో పెట్టుబడి పెట్టాలని చూస్తున్న భారతీయ పెట్టుబడిదారులకు అత్యుత్తమ మ్యూచువల్ ఫండ్ స్కీమ్స్ లో ఒకటి. ఈ ఫండ్ 2013లో ప్రారంభించబడింది. ఈ ఫండ్ కింద మొత్తం నిర్వహణలో ఉన్న ఆస్తి విలువ రూ.63,933.76 కోట్లు. ఇది 2013 నుండి 19.65% సమ్మేళనం వార్షిక వృద్ధి రేటు అందించింది. ఇది నిఫ్టీ 500, నిఫ్టీ 50 వంటి సంప్రదాయ ఎంపికలను అధిగమించింది. PPFCF ఫండ్‌లో నెలవారీ SIP పెట్టుబడి ఫండ్ ప్రారంభం నుంచి 19.88% రాబడిని ఇన్వెస్టర్లు పొందారు.

PPFCF ఫండ్ 24 మే, 2013న ప్రారంభించబడింది. 10 సంవత్సరాల తర్వాత ఏప్రిల్ 30, 2024 నాటికి రూ.10,000 SIP పెట్టుబడిదారులు ఇందులో కొనసాగించిన వారు ఇప్పుడు రూ.34.19 లక్షలు అందుకున్నారు. ఈ ఫండ్‌లో SIP పెట్టుబడి కోసం కనీస మొత్తం రూ.1,000గా ఉంది. ఏప్రిల్ 30, 2024 నాటికి పరాగ్ పారిఖ్ ఫ్లెక్సీ క్యాప్ ఫండ్ 1-సంవత్సరపు రాబడిని 36.06%గా ఉంది. మే 24, 2013 నుంచి PPFCF పథకం 19.65% కాంపౌండ్ వార్షిక వృద్ధి రేటు (CAGR)ని అందించింది.

ఇంతకుముందు 5 విదేశీ కంపెనీల్లో హోల్డింగ్‌లను కలిగి ఉన్న పరాగ్ పారిఖ్ ఫ్లెక్సీ క్యాప్ ఫండ్ స్కీమ్ ఇప్పుడు 4 విదేశీ హోల్డింగ్‌లను మాత్రమే కలిగి ఉంది. నిర్వహణలో ఉన్న మొత్తం ఆస్తులలో 14.13% (AUM) విదేశీ స్టాక్‌లతో రూపొందించబడింది. ఏప్రిల్ 2024 నాటికి ఫండ్ అమెజాన్ లో 3.11%, మైక్రోసాఫ్ట్ కార్పొరేషన్ లో 3.72%, ఆల్ఫాబెట్ లో3.98%, మెటా ప్లాట్‌ఫారమ్‌లో 3.32% విదేశీ హోల్డింగ్‌లను కలిగి ఉంది.

Note: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.