లైఫ్ టైం పానీ పూరీ ఫ్రీ.. వన్ టైం సెటిల్మెంట్.. ఇది కదా ట్విస్టు!! సోషల్ మీడియా వైరల్..

పానీ పూరీ ఎవరికి ఇష్టం ఉండదు చెప్పండి.. మన ఊర్లో ప్రతి గల్లీలో సాయంత్రం పూట పానీ పూరీ పుష్కలంగా దొరుకుతుంది. ఈ పానీ పూరి బండి కూడా ఎప్పుడూ జనంతో కిటకిటలాడుతూ ఉంటుంది. పానీపూరికి మన దేశంలో చాల పేర్లు ఉన్నాయి. మహారాష్ట్ర ఇంకా దక్షిణ భారతదేశంలో పానీపూరి, హర్యానాలో పానీ-బాదాషి, మధ్యప్రదేశ్లో ఫుల్కి, ఉత్తరప్రదేశ్లో పానీ-కే-బాదాష్/బాదాగే, అస్సాంలో పుస్కా, బీహార్లో జల్పురి ఇంకా పుష్కా.

పానీ పూరి గతకొంత కాలంగా అందరికి ఫెవరెట్ అవుతుంది. గోల్ గొప్ప అని కూడా పిలువబడే ఈ చిరు తిండి మసాలా దినుసులతో ఉడికించిన బంగాళాదుంపలతో ఇంకా వేయించిన గోధుమ లేదా సెమోసా షెల్‌తో ఉంటుంది. "పానీ" అని కూడా పిలువబడే ఫ్లేవర్డ్ వాటర్ వంటకంలో ముఖ్యమైన భాగం అలాగే ఎక్కవగా రుచికి కీలకంగా ఉంటుంది. ఈ చాట్ ఉత్తర భారత ప్రాంతం బీహార్‌లో ఉద్భవించింది. గొల్గప్పాస్ మూలం భారతదేశం నుండి వచ్చింది. 20వ శతాబ్దంలో దేశంలోని ఒక ప్రాంతం నుండి మరొక ప్రాంతానికి ప్రజలు వలస వెళ్లడం వల్ల పానీపురి భారతదేశంలోని ఇతర ప్రాంతాలకు వ్యాపించింది. 10 మార్చి 2005న "పానీపురి" అనే పదాన్ని ఆక్స్‌ఫర్డ్ ఇంగ్లీష్ డిక్షనరీలో చేర్చారు.

ఇటీవల నాగ్‌పూర్‌లో ఒక పానీ పూరీ విక్రేత "ఒక్కసారి రూ. 99,000 చెల్లించి జీవితాంతం పానీ పూరీని ఆస్వాదించండి" అనే కాంపెయిన్ సోషల్ మీడియాలో చాలా మంది దృష్టిని ఆకర్షించింది. ఈ ఆఫర్ గురించి ఇన్‌స్టాగ్రామ్‌లో షేర్ చేసిన వీడియో ద్వారా వైరల్‌గా మారింది, దీనికి 16 వేల కంటే ఎక్కువ లైక్‌లు సంపాదించింది. ఈ ఆఫర్ గురించి కస్టమర్లలో రకరకాల అభిప్రాయాలు ఉన్నాయి. కొందరు దీనిని వెర్రితనం అని విమర్శించగా మరికొందరు కొన్ని సంవత్సరాలలో అమలు చేయబడుతుంది అని భావించారు.

కానీ కొంతమందికి ఇది వింతగా అనిపించిన మరికొందరికి వినూత్న వ్యాపార ఆలోచనగా అనిపిస్తుంది. "డబ్బు తినుకున్న తర్వాత విక్రేత అదృశ్యమవుతాడా?" ఈ వ్యాపార ఆఫర్ పానీపూరి ప్రజాదరణను అలాగే ఆహార పరిశ్రమలో కొత్త ఆలోచనలను హైలైట్ చేస్తుంది. "జీవితాంతం పానీ పూరీ తినడానికి ఇది మంచి ఆలోచనానేన ?" ఈ ప్రశ్న ప్రస్తుతం అందరిలోనే కాకుండా దేశవ్యాప్తంగా చర్చనీయాంశంగా మారుతోంది ఇంకా ప్రజల్లో తీవ్ర కలకలం రేపుతోంది.