Click it and Unblock the Notifications
Gold Reserves: దాయాది దేశం పాకిస్థాన్ తన చరిత్రలో ఎన్నో తప్పులు చేసి ఆర్థికంగా కుదేలైనప్పటికీ.. ప్రస్తుతం అదృష్టం తగిలింది. పొరుగు దేశాల్లో ఉగ్రవాదానికి కోట్లు ఖర్చుపెట్టి అధోగతిపాలైన ఆ దేశానికి ప్రస్తుతం బంగారం కొండ దొరికింది.
వివరాల్లోకి వెళితే పాకిస్థాన్ ఎక్కువగా వ్యవసాయంపైనే ఆధారపడే దేశం. ప్రస్తుతం దేశం ఆర్థికంగా సంక్షోభంలో నిలుస్తూ భారీ అప్పుల ఊబిలో కూరుకుపోయింది. అధిక ద్రవ్యోల్బణంతో పాటు క్షీణించిన కరెన్సీ విలువతో పాటు రాజకీయంగా అస్థిర వాతావరణంతో కూడుకున్న దేశానికి ప్రస్తుతం భారీగా బంగారు నిక్షేపాలు దొరికినట్లు వెల్లడైంది. దీంతో అప్పుల ఊబిలో ఉన్న దేశానికి భారీ ఊరట లభించిందని ఆర్థిక వేత్తలు అభిప్రాయపడుతున్నారు. పాకిస్థాన్ సింధు నదిలో అపారమైన బంగారు నిల్వలను కనుగొన్నట్లు, దీని విలువ దాదాపు రూ.80,000 కోట్ల వరకు ఉంటుందని తాజాగా నివేదించబడింది.
పంజాబ్ ప్రావిన్స్లోని అటాక్ జిల్లాలో ప్రభుత్వం నియమించిన సర్వే ద్వారా బంగారు నిల్వలను కనుగొన్నట్లు వెల్లడైంది. ఈ పసిడి నిల్వలు వెలికితీత ప్రణాళికలను ప్రారంభించాయి. ఈ మైనింగ్ ప్రాజెక్టుకు ప్రభుత్వ యాజమాన్యంలోని నేషనల్ ఇంజనీరింగ్ సర్వీసెస్ పాకిస్తాన్, పంజాబ్ గనులు ఖనిజాల శాఖ నాయకత్వం వహిస్తాయని తెలుస్తోంది. అటాక్ జిల్లాలోని ఇండస్ నది వెంబడి 9 ప్లేసర్ గోల్డ్ బ్లాక్ల కోసం బిడ్డింగ్ పత్రాలు, లావాదేవీ సలహా సేవలను సిద్ధం చేయడానికి కన్సల్టెన్సీ సేవలు ప్రారంభమయ్యాయి.
వాస్తవానికి సింధు నది భారతదేశంలోని హిమాలయాల నుంచి బంగారు నిక్షేపాలను కలిగి ఉందని సూచించిన భూగర్భ శాస్త్రవేత్తలను నివేదిక ఉదహరించింది. ఈ బంగారు నిక్షేపాలు ఈ ప్రాంతంలో పేరుకుపోవడంతో ప్రవహిస్తాయి. నదిలో విస్తృతంగా ప్రవాహం ఉండటం వల్ల బంగారు ప్లేసర్లు లేదా నగ్గెట్లు చదునుగా లేదా పూర్తిగా గుండ్రంగా ఉంటాయని నిపుణులు అంచనా వేస్తున్నారు. సింధు నది లోయ ఖనిజ వనరులతో సమృద్ధిగా ఉంది.
డిసెంబర్ 2024 నాటికి దేశ బంగారు నిల్వలు 5.43 బిలియన్ డాలర్లుగా ఉన్నాయని ఎక్స్ప్రెస్ ట్రిబ్యూన్ నివేదిక గతంలో వెల్లడించిన సంగతి తెలిసిందే. అయితే ప్రస్తుతం దొరికిన పసిడి విదేశీ మారక నిల్వల కొరతతో పాటు బలహీనమైన కరెన్సీ వల్ల అనేక ఇబ్బందులు ఎదుర్కొంటోంది. బంగారాన్ని పాకిస్థాన్ విజయవంతంగా బయటకు వెలికితీస్తే దేశం ఆర్థికంగా మంచి స్థితికి చేరుకునే అవకాశం ఉందని నిపుణులు చెబుతున్నారు.
Sign in with Google