తెలుగులో పైసాబజార్ ఉచిత క్రెడిట్ రిపోర్ట్

రుణాల కోసం డిజిటల్‌గా దరఖాస్తు చేసుకోవడానికి వీలుకల్పించే పైసాబజార్ డాట్ కామ్ మూడు స్థానిక భాషల్లో ఉచితంగా క్రెడిట్ రిపోర్ట్‌ను లాంచ్ చేసింది. ఈ స్థానిక భాషల్లో తెలుగుతో పాటు మరాఠీ, కన్నడ ఉంది. ఈ భాషల్లో ఉచిత రుణ చరిత్ర నివేదికను అందంచనుంది. ఈ మేరకు అందుబాటులోకి తెచ్చినట్లు ప్రకటించింది. ఇప్పటికే హిందీలో ఈ రిపోర్ట్స్ అందిస్తోంది.

క్రెడిట్ స్కోర్ పైన రుణగ్రహీతల్లో అవగాహన పెరుగుతుందని, దీనిని స్థానిక భాషలలో అందించడం ద్వారా వారికి సులభంగా అర్థమవుతుందని భావిస్తున్నట్లు పైసాబజార్ డాట్ కామ్ తెలిపింది. రుణ ఖాతాల సంఖ్యలో తెలంగాణ 6, ఆంధ్రప్రదేశ్ 9వ స్థానంలో ఉందని రిజర్వ్ బ్యాంక్ ఆప్ ఇండియా నివేదిక వెల్లడిస్తోంది.

రుణగ్రహీతల్లో నలభై శాతానికి పైగా మందికి మంచి క్రెడిట్ స్కోర్ ఉందని తమ సర్వేలో వెల్లడైనట్లు తెలిపింది. ఆంధ్రప్రదేశ్, తెలంగాణ, మహారాష్ట్ర, కర్నాటకలలో కలిపి రుణాలకు సంబంధించిన విచారణలను కరోనా మహమ్మారికి ముందు ఉన్న స్థాయిలో 32 శాతానికి చేరుకున్నాయన్నారు.