OTT Vs Multiplex: మల్టీప్లెక్స్ పరిశ్రమను దాటేయనున్న ఓటీటీ..

2023 నాటికి ఓటీటీ మల్టీప్లెక్స్‌ పరిశ్రమను అధికమించనుందని SBI రీసెర్చ్ నివేదిక తెలిపింది. 2018లో రూ. 2,590 కోట్ల ఉన్న ఓటీటీ పరిశ్రమ 2023 నాటికి రూ. 12,000 కోట్ల పరిశ్రమగా అవతరిస్తుందని అంచనా వేసింది. ఓవర్-ది-టాప్ (OTT) మార్కెట్ 2023 నాటికి రూ. 11,944 కోట్లకు చేరుతుందని తెలిపింది. 36 శాతం వార్షిక వృద్ధిని నమోదు చేస్తుందని పేర్కొంది.

వీసీఆర్, వీసీపీలు

1980లలో తెరపైకి వచ్చిన వీసీఆర్, వీసీపీలు ఆ తర్వాత డీవీడీల్లాంటివి .. 2000ల తొలినాళ్లలో మెట్రో నగరాలు, పట్టణ ప్రాంతాల్లో మల్టీప్లెక్స్‌లు విపరీతంగా పెరిగాయని నివేదిక తెలిపింది. OTT ఇప్పటికే వినోద పరిశ్రమ వాటాను దక్కించుకుంది. ఓటీటీలు ఇప్పటికే వినోద రంగంలో 7-9 శాతం వాటాను దక్కించుకున్నాయని, అన్ని భాషల్లోనూ ఒరిజినల్‌ కంటెంట్‌ అందిస్తూ 40 పైచిలుకు సంస్థలు నిలకడగా వృద్ధి చెందుతున్నాయని వివరించింది.

45 కోట్ల పైచిలుకు

పరిశ్రమ వర్గాల అంచనా ప్రకారం ప్రస్తుతం దేశీయంగా 45 కోట్ల పైచిలుకు ఓటీటీ సబ్‌స్క్రయిబర్స్‌ ఉన్నారని, వీరి సంఖ్య 2023 ఆఖరు నాటికి ఈ సంఖ్య 50 కోట్లకు చేరవచ్చని గ్రూప్‌ చీఫ్‌ ఎకనమిక్‌ అడ్వైజర్‌ సౌమ్య కాంతి ఘోష్‌ తెలిపారు. స్మార్ట్‌ టీవీలు, క్రోమ్‌కాస్ట్‌ వంటి ఆప్షన్లు సంప్రదాయ సినీ వినోదంపై గణనీయంగా ప్రభావం చూపాయని అభిప్రాయపడ్డారు.

ఇంటర్నెట్

ఈ బలమైన వృద్ధికి సరసమైన హై-స్పీడ్ మొబైల్ ఇంటర్నెట్, ఇంటర్నెట్ వినియోగదారుల సంఖ్య రెట్టింపు కావడం, డిజిటల్ చెల్లింపులను స్వీకరించడం కారణమని విశ్లేషించారు. ప్రస్తుతం డిస్నీ+హాట్‌స్టార్ (14 కోట్ల మంది సబ్‌స్క్రైబర్‌లు), అమెజాన్ ప్రైమ్ వీడియో (6 కోట్ల మంది సబ్‌స్క్రైబర్లు) నివేదిక పేర్కొంది. Netflix (4 కోట్లు), Zee5 (3.7 కోట్లు), Sonyliv (2.5 కోట్లు) ఉన్నారని తెలిపింది. OTT పరిశ్రమలో ప్రాంతీయ సంస్థలు సోనిలివ్ Voot, Zee5, AltBalaji, Hoichoi సేవలు అందిస్తున్నట్లు వివవరించింది.

స్ట్రీమింగ్ సిరీస్‌లు

50 శాతం కంటే ఎక్కువ మంది ప్రజలు నెలకు 5 గంటల కంటే ఎక్కువ OTTలను ఉపయోగిస్తున్నారని వెల్లడించింది. స్ట్రీమింగ్ సిరీస్‌లు సంప్రదాయ ఫిల్మ్ మేకింగ్ కంటే చాలా లాభదాయకమని ప్రధాన స్టూడియోలు గ్రహించాయి, ప్రత్యేకించి వారు తమ స్వంత స్ట్రీమింగ్ ప్లాట్‌ఫారమ్‌లను నిర్మిస్తున్నాయి.