ఒరాకిల్‌లో 3 వేల మంది ఉద్యోగులు రోడ్డు మీదకు.. మీ ఉద్యోగాలను ఏఐతో భర్తీ చేస్తామంటూ.

ప్రపంచవ్యాప్తంగా IT రంగంలో సంక్షోభం తీవ్రతరం అవుతోంది.టెక్ ఉద్యోగుల గుండెల్లో రైళ్లు పరిగెడుతున్నాయి. ఎప్పుడు ఉద్యోగం ఊడుతుందో తెలియని పరిస్థితి. ఏఐ రాకతో వేలాది మంది ఉద్యోగులు తమ ఉద్యోగులను కోల్పోయారు. తాజాగా ఒరాకిల్ మరో భారీ ఉద్యోగ కోతల రౌండ్‌ను ప్రారంభించింది. తాజా సమాచారం ప్రకారం.. Oracle వివిధ దేశాలలో 3 వేల మందికి పైగా ఉద్యోగులను తొలగించేందుకు రెడీ అయింది. పరిశ్రమ అంతర్గత ప్రచురణ అయిన డేటాసెంటర్ డైనమిక్స్ నివేదించినట్లుగా.. ఆగస్టులో ప్రారంభమైన తొలగింపులు ఇప్పుడు అనేక ప్రాంతాలు, విభాగాలలో విస్తరించి, సంస్థ వ్యూహాన్ని మళ్లీ నిర్వచించడంలో కీలకంగా మారాయి.

ఈ కొత్త రౌండ్ తొలగింపులు అమెరికా, భారతదేశం, ఫిలిప్పీన్స్, కెనడా, యూరప్‌లోని కొన్ని ప్రధాన ప్రాంతాల ఉద్యోగులను ప్రభావితం చేశాయి. ముఖ్యంగా, ఒరాకిల్ క్లౌడ్ ఇన్‌ఫ్రాస్ట్రక్చర్ (OCI) బృందాలకు మించి హెల్త్ (గతంలో సెర్నర్), ఆర్కిటెక్ట్‌లు, ఇతర కార్పొరేట్ విభాగాలు ఎక్కువగా ప్రభావితమయ్యాయి. ఫిలిప్పీన్స్‌లో, ఒరాకిల్ అడ్వాన్స్‌డ్ కస్టమర్ సర్వీసెస్ (ACS), నెట్‌సూట్ గ్లోబల్ బిజినెస్ యూనిట్ (NSGBU) నుండి మొత్తం బృందాలను బిజినెస్ అప్‌డేట్ సమావేశాలకు పిలిచిన తర్వాత తొలగించినట్లు సమాచారం.

అమెరికాలో తొలగింపులు ప్రధానంగా ఒరాకిల్ హెల్త్ విభాగంలోని కేర్ డెలివరీ, కన్సల్టింగ్ పాత్రలను ప్రభావితం చేశాయి. వాషింగ్టన్ రాష్ట్ర ఉపాధి భద్రతా విభాగానికి దాఖలు చేసిన పత్రంలో.. ఆగస్టులో 161 ఉద్యోగాల నష్టం.. అలాగే సియాటిల్‌లో 101 ఉద్యోగాల కోతను పేర్కొన్నారు. భారతదేశంలో, టెక్నాలజీ, సపోర్ట్ విభాగాల్లోని ఉద్యోగులను లక్ష్యంగా తీసుకుని ఈ తొలగింపులు జరిగాయి. కంపెనీ ఇంకా ఈ భారీ కోతల గురించి అధికారిక ప్రకటన వెలువరించలేదు..అయితే పరిశ్రమ నివేదికలు ప్రపంచవ్యాప్తంగా 3వేల మందికి పైగా ఉద్యోగాలు తొలగించబడినట్లు స్పష్టం చేస్తున్నాయి.

ఒరాకిల్ 2022లో సెర్నర్‌ను 28.3 బిలియన్ డాలర్లకు కొనుగోలు చేసి, హెల్త్ ఐటీ విభాగాన్ని సంస్థ వ్యూహానికి కీలక భాగంగా మార్చింది. అయితే.. తాజాగా జరిగే తొలగింపులు సంస్థ వ్యాపార ప్రాధాన్యతలు మారిన సంకేతాలుగా భావిస్తున్నారు. ప్రపంచవ్యాప్తంగా ఆర్థిక మందగమనంతో పాటు పెరుగుతున్న ఖర్చులు, సాంకేతిక విప్లవం ఉద్యోగాల తొలగింపులకు కారణం అవుతున్నాయి. ముఖ్యంగా AI ఆధారిత సాంకేతిక పరిజ్ఞానంపై అధిక దృష్టిపెట్టడం ఈ కోతలు జరుగుతున్నాయి.

ఒరాకిల్ మాత్రమే కాకుండా.. గూగుల్, మెటా, మైక్రోసాఫ్ట్, సేల్స్‌ఫోర్స్ వంటి ఇతర టెక్ దిగ్గజాలూ ఇదే విధంగా తమ వ్యాపార నమూనాలను మార్చుకుంటున్నాయి. అత్యుత్తమ AI ప్రతిభను ఆకర్షించడానికి పెద్ద స్థాయిలో ఉద్యోగాల కోతలను చేపడుతున్నాయి. Layoffs.fyi నివేదిక ప్రకారం ఇప్పటివరకు 83 వేల మంది టెక్ ఉద్యోగులు తమ ఉద్యోగాలను కోల్పోయారు. ఇది పరిశ్రమలో తీవ్ర సంక్షోభాన్ని సూచిస్తోంది.

కంపెనీల పునర్నిర్మాణంలో భాగంగా కొత్తగా ఉన్న ఎంట్రీ లెవల్, మిడ్ లెవల్ ఉద్యోగాలు అధికంగా ప్రమాదంలో పడ్డాయి. ఎందుకంటే AI ఆధారిత టెక్నాలజీలు వేగంగా అభివృద్ధి చెందుతూ.. మానవ ఆధారిత పనులను తక్కువగా అవసరం చేయడం ప్రారంభించాయి. ప్రస్తుతం టెక్ రంగంలో చోటు చేసుకుంటున్న ఈ మార్పులు, సమగ్ర ఆర్థిక పరిస్థితులు, ఆటోమేషన్ ప్రభావం, వ్యయ నెమ్మదింపులకు అనుగుణంగా అనిపిస్తున్నాయి. ఒరాకిల్ ఉద్యోగ కోతలు మరింత సాంకేతికతాభిముఖత ప్రదర్శించే, వ్యయ సంస్కరణల దిశగా అడుగులు వేస్తున్నట్లు స్పష్టంగా తెలుస్తున్నాయి.