LIC Policyholders Alert: ఎల్ఐసీ పాలసీ పునరుద్ధరణకు గడువు వారమే

ఎల్ఐసీ పాలసీదారులకు అలర్ట్! లైఫ్ ఇన్సురెన్స్ కార్పోరేషన్ ఆఫ్ ఇండియా(LIC) పాలసీ పునరుద్ధరించుకోవడానికి అవకాశం కల్పించిన విషయం తెలిసిందే. చౌకగా ఎల్ఐసీ పాలసీ పునరుద్ధరణకు గత నెల ఏడో తేదీ నుండి ప్రత్యేక క్యాంపెయిన్ నిర్వహిస్తోంది. ఈ నెల 25వ తేదీతో ఎల్ఐసీ ప్రత్యేక పాలసీ పునరుద్ధరణ క్యాంపెయిన్ ముగుస్తుంది. అంటే పాలసీ పునరుద్ధరణకు మరో వారం మాత్రమే గడువు ఉంది.

అనివార్య పరిస్థితుల్లో ప్రీమియం చెల్లించకపోయినా వారికి బెనిఫిట్స్ కల్పించడానికి ఈ పునరుద్ధరణ సౌకర్యం అందుబాటులోకి తీసుకు వచ్చింది. ప్రస్తుత సంక్షోభ సమయంలో రిస్క్ కవరేజీ కొనసాగించేందుకు ల్యాప్స్ అయిన పాలసీలను పునరుద్ధరించేందుకు ప్రస్తుత ఆర్థిక సంవత్సరంలో రెండోసారి పాలసీదారులకు అవకాశం కల్పిస్తున్నట్లు పేర్కొంది.

ప్రీమియం చెల్లింపులు నిలిచిపోయిన తేదీ నుండి అయిదేళ్ల లోపు కొన్ని షరతులకు లోబడి ఈ అవకాశం కల్పిస్తుంది. ఈ ప్రత్యేక పునరుద్ధరణ క్యాంపెయిన్‌లో కొన్ని అర్హమైన ప్లాన్స్ గల పాలసీలకు లేట్ ఫీజుతో ప్రీమియం చెల్లింపుకు చోటు కల్పించింది. అయితే టర్మ్ అస్యూరెన్స్ అండ్ మల్టీపుల్ రిస్క్ పాలసీలకు మాత్రం ఈ మినపాయింపులు వర్తించవు.