IPO News: 41 శాతం రాబడితో ఐపీవో తుఫాను.. తొలిరోజే హ్యాపీగా ఇన్వెస్టర్లు.. కానీ..

IPO News: ఈ రోజు మార్కెట్లోకి అరంగేట్రం చేసిన రెండవ ఐపీవో వన్‌క్లిక్ లాజిస్టిక్స్. ఇది లాజిస్టిక్స్ సర్వీసెస్ అండ్ సొల్యూషన్స్ వ్యాపారంలో నిమగ్నమై ఉంది. ఇవి మంచి ప్రీమియం రేటుకు జాబితాయ చేయబడ్డాయి.

Oneclick లాజిస్టిక్స్ షేర్లను రూ.99 రేటుకు కంపెనీ విక్రయించింది. అయితే నేడు స్టాక్ రూ.140 రేటు వద్ద జాబితా చేయబడింది. కంపెనీ ఐపీవోలో డబ్బును ఇన్వెస్ట్ చేసిన పెట్టుబడిదారులు లిస్టింగ్‌ ద్వారా 41 శాతానికి పైగా లాభపడ్డారు. కానీ లిస్టింగ్ తర్వాత షేర్ ధర పడిపోయింది.

NSE SME ప్లాట్‌ఫారమ్‌లో కంపెనీ షేర్లు 5% క్షీణించి రూ.133కి చేరుకున్నాయి. వన్‌క్లిక్ లాజిస్టిక్స్ పబ్లిక్ ఇష్యూ మొత్తం పరిమాణం రూ.9.91 కోట్లుగా ఉంది. సెప్టెంబర్ 27న ఐపీవో సబ్‌స్క్రిప్షన్ కోసం ప్రారంభించబడి అక్టోబర్ 3న ముగిసింది. ఐపీవోకి ముందర కంపెనీలో 93 శాతంగా ఉన్న ప్రమోటర్ల ఐపీవో ప్రస్తుతం 67.17 శాతానికి తగ్గింది. ఈ క్రమంలో ఐపీవో మెుత్తంగా 185.21 సార్లు సబ్‌స్క్రైబ్ అయ్యింది.

కంపెనీ IPO రిటైల్ కోటా 224.19 రెట్లు , ఇతర విభాగాలలో 139.45 రెట్లు సబ్‌స్క్రిప్షన్ నమోదైంద. OneClick లాజిస్టిక్స్ IPOలో రిటైల్ పెట్టుబడిదారులు 1 లాట్‌ కొనుగోలు చేయాలంటే రూ.1,18,800 వెచ్చించారు. ఎందుకంటే లాట్ పరిమాణాన్ని 1200 షేర్లుగా కంపెనీ నిర్ణయించింది. తాజా ఐపీవో నుంచి సేకరించిన నిధులను కంపెనీ వర్కింగ్ క్యాపిటల్ అవసరాలు, సాధారణ కార్పొరేట్ ప్రయోజనాల కోసం ఉపయోగించనుంది. కంపెనీ షిప్పింగ్, ఎయిర్ కార్గొ ఫార్వార్డింగ్, బల్క్ కార్గో హ్యాండ్లింగ్, కస్టమ్ క్లియరెన్స్ అనుబంధ లాజిస్టిక్స్, రవాణాకు సంబంధించిన సేవలను అందిస్తోంది.