Stock Market: స్వల్ప నష్టాల్లో స్టాక్ మార్కెట్లు..

శుక్రవారం స్టాక్ మార్కెట్లు స్వల్ప నష్టాల్లో కొనసాగుతోన్నాయి. ఉదయం 9 గంటల 53 నిమిషాలకు బీఎస్ఈ సెన్సెక్స్ 55 పాయింట్లు తగ్గి 71,373 ట్రేడవుతోంది. ఎన్ఎస్ఈ నిఫ్టీ 33 పాయింట్ల నష్టపోయి 21,684 వద్ద కొనసాగుతోంది. ఆర్బీఐ రెపో రేట్లను యథాతథంగా ఉంచుతూ నిర్ణయం తీసుకోవడంతో స్టాక్ మార్కెట్లు ప్లాట్ గా ట్రేడవుతోన్నట్లు నిపుణులు చెబుతున్నారు. బీఎస్ఈ 30 ఇండెక్స్ లో ఐసీఐసీఐ బ్యాంకు, రిలయన్స్, టైటాన్, ఐటీసీ, టీసీఎస్, బజాజ్ ఫైనాన్స్, యాక్సిస్ బ్యాంక్, ఏసియన్ పెయింట్స్, హిందుస్థాన్ యూనిలివర్, నెస్లే ఇండియా, కొటాక్ మహీంద్రా బ్యాంకు లాభల్లో ట్రేడవుతోన్నాయి.

హెచ్ డీఎఫ్సీ బ్యాంక్, ఎల్అండ్ టీ, బజాజ్ ఫిన్ సర్వ్, టెక్ మహీంద్రా, సన్ ఫార్మా, ఎస్పీఐఎన్, ఇండస్ ఇండ్ బ్యాంక్, హెచ్ సీఎల్ టెక్, విప్రో, మారుతీ, ఇన్ఫోసిస్, అల్ట్రాటెక్ సిమెంట్, ఎన్టీపీసీ, పవర్ గ్రిడ్, జేఎస్ డబ్య్లూ స్టీల్, టాటా స్టీల్, భారతీ ఎయిర్ టెల్, ఎంఅండ్ఎం నష్టాల్లో కొనసాగుతోన్నాయి. శుక్రవారం కూడా ఎల్ఐసీలో స్వల్ప పెరుగుదల నమోదయింది. ఎల్ఐసీ మంచి ఫలితాలు ప్రకటించినప్పటికీ స్టాక్ లో పెద్ద మూమెంట్ కనిపించడం లేదు.

పేటీఎం స్టాక్ శుక్రవారం కూడా పడిపోయింది. 6.20 శాతం తగ్గింది. రూ.481 వద్ద ట్రేడవుతోంది. టోరెంట్ పవర్ డిసెంబరు FY24తో ముగిసిన త్రైమాసికంలో రూ. 359.8 కోట్ల ఏకీకృత నికర లాభాన్ని నమోదు చేసింది. గత ఏడాది కాలంతో పోలిస్తే 47.4% బాగా క్షీణించింది.