Ola EV: కస్టమర్లకు చుక్కలు చూపిస్తున్న ఓలా.. వైజాగ్‍లో ఈవీ ఓనర్ ఏం చేశాడే చూస్తే షాకే..!!

Ola Electric: ఓలా ఎలక్ట్రిక్ ప్రస్తుతం దేశంలో చాలా మంది యూజ్ చేస్తున్న ఈవీ బ్రాండ్. దీనికంటే ఉత్తమపనితీరు కనబరిచే అనేక బ్రాండ్లు మార్కెట్లో అందుబాటులో ఉన్నప్పటికీ.. మార్కెటింగ్, బ్రాండింగ్ వంటి కొన్ని అంశాలు ప్రజలకు కంపెనీని చేరువచేశాయి. వరుసగా కంపెనీ భారీ విక్రయాలు చేపడుతోంది కానీ చాలా కాలంగా కొనుగోలుదారులు పడుతున్న ఇక్కట్లకు మాత్రం దారిచూపించటంలో విఫలం అవుతోంది.

దేశంలో ఓలా ఎలక్ట్రిక్ స్కూటర్ల విషయంలో జరిగినన్ని ఘటనలు మరే ఇతర బ్రాండ్ ఈవీల్లో నమోదు కాలేదని చెప్పటం అతిశయోక్తి కాదు. ఓలా ఈవీలతో పనితీరుపై అనేకమార్లు కస్టమర్లు తమ ఫ్రస్టేషన్ ఇప్పటికే చూపిన సంగతి తెలిసిందే. తాజాగా ఇలాంటి ఘటనే విశాఖలోనూ చోటుచేసుకుంది. లక్షకు పైగా డబ్బు వెచ్చించి కొన్న బండి గడియగడియకు ఇబ్బంది పెడుతూ రిపేర్లు రావటంతో విసిగిపోయిన ఒక కస్టమర్ ఓలా షోరూంపై తన ఆగ్రహాన్ని వ్యక్తం చేశాడు. దేశంలోని అనేక ప్రాంతాల్లో సర్వీస్ సరిగా లేకపోవటంతో నెలల తరబడి వాహనాలు సర్వీస్ స్టేషన్లలోనే ఉంటుంన్న సంఘటలను పెరిగిపోతూనే ఉన్నాయి.

ఈరోజుల్లో చాలా మంది తమ ఇంట్లోని ఆడవాళ్లకోసం ఈవీలను కొనుగోలు చేస్తున్న సంగతి తెలిసిందే. అలా కొన్న కస్టమర్ బైక్ వాడుతున్నప్పుడు తరచుగా రిపేర్లు వస్తోందని, ఇంట్లోని మహిళలు దీనిని వినియోగించటంలో ఇబ్బందులు పడుతున్నారని ఆవేదన వ్యక్తం చేశారు. దీంతో చేసేదేంలేక నిరసన వ్యక్తం చేస్తూ ఓలా బైక్ షోరూంకు తాళం వేశాడు. ఓలా ఈవీ కొని రెండు నెలలు కూడా నిండకముందే 6 సార్లు రిపేర్ వచ్చిందని బండి పనితీరుపై ఆగ్రహం వ్యక్తం చేశాడు. కంపెనీ విక్రయిస్తున్న ఉత్పత్తుల నాణ్యతపై అనుమానాలు వ్యక్తం చేసిన సదరు కస్టమర్, సర్వీస్ కూడా అద్వానంగా ఉండటంపై ఆగ్రహానికి గురయ్యాడు.

షోరూం యజమానులు బండి సర్వీసింగ్ అడిగితే తమనే తిరిగి బెదిరిస్తున్నారని, ఇదే కంపెనీరా బాబు అంటూ ఆవేదన వ్యక్తం చేస్తున్నారు. బండి పనితీరుతో పాటు కస్టమర్ సర్వీస్ సరిగా లేకపోవటంపై సదరు కస్టమర్ తన ఆగ్రహాన్ని షోరూంకు తాళం వేసి వినూత్నంగా వ్యక్తం చేశాడు. ఇప్పటికే పలుమార్లు ఓలా అద్వాన్న సర్వీసింగ్ గురించి దేశంలోని వివిధ ప్రాంతాల్లోని కస్టమర్లు తమ వినూత్న నిరసన తెలిపిన ఘటనలు చూశాం. కొందరు తాము కొన్న స్కూటర్లకు నిప్పుపెట్టగా, మరికొందరు షోరూంలకు నిప్పుపెట్టారు. అయితే కంపెనీ మాత్రం తమ సర్వీస్ సేవలను నిరంతరం మెరుగుపరుస్తున్నామని, కొత్తగా వేల సంఖ్యలో షోరూంలను అందుబాటులోకి తీసుకొస్తున్నట్లు చెబుతోంది. అయితే ఆచరణ రూపంలో వాస్తవంగా పరిస్థితులకు కంపెనీ చెబుతున్న విషయాలకు చాలా వ్యత్యాసం ఉంటోందని ప్రస్తుత పరిణామాలు చెబుతున్నాయి.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.