LPG Cylinder Price Hike: పండుగ పూట షాకిచ్చిన కేంద్రం.. సిలిండర్ల ధర పెంపు..!

పండుగ ముందు కేంద్రం షాకిచ్చింది. వాణిజ్య ఎల్పీజీ సిలిండర్ల ధరను పెంచింది. అక్టోబర్ 1 నుంచి 19 కిలోల వాణిజ్య (కమర్షియల్) ఎల్‌పిజి సిలిండర్ల ధరలు పెరిగాయి. ఈ పెంపు వివిధ నగరాల్లో వేర్వేరుగా ఉంది. పండుగ సీజన్ ప్రారంభమవుతున్న తరుణంలో ఈ ధరలను పెంచారు. ఇండియన్ ఆయిల్ ఢిల్లీలో 19 కిలోల వాణిజ్య ఎల్‌పిజి సిలిండర్ ధర రూ. 62.50 పెరిగి రూ. 2,810కి చేరింది. సెప్టెంబర్‌లో దీని ధర రూ. 2,747.50గా ఉండేది. ఇతర నగరాల్లో ఈ పెంపు మరింత ఎక్కువగా ఉంది. ముంబైలో ధర రూ. 63 పెరిగి రూ. 2,701 నుంచి రూ. 2,764కి చేరింది. చెన్నైలో ధర రూ. 66.50 పెరిగి రూ. 2,916.50 నుంచి రూ. 2,983కి పెరిగింది.

హైదరాబాద్ లో కమర్షియల్ సిలిండర్ ధర రూ.62 పెరిగి రూ.2,996కి చేరింది. పాట్నాలో 19 కిలోల వాణిజ్య సిలిండర్ ధర రూ. 71.50 పెరిగి, రూ. 3,029 నుంచి రూ. 3,100.50కి చేరింది. లక్నోలో ధర రూ. 62.50 పెరిగి రూ. 2,932.50కి చేరింది. లేహ్ లో వాణిజ్య సిలిండర్ ధర రూ. 3,385.50 నుంచి రూ. 3,450కి పెరగగా, తవాంగ్ లో ధర రూ. 3,073.50కి చేరింది. అహ్మదాబాద్‌లో ధర రూ. 2,831.50గానూ, కన్యాకుమారిలో రూ. 3,046గానూ ఉంది. బెంగళూరులో కమర్షియల్ సిలిండర్ ధర రూ.62 పెరిగి రూ.2,996కి చేరింది. అయితే 14.2 కిలోల గృహ వినియోగ ఎల్‌పిజి సిలిండర్ ధరలో ఎటువంటి మార్పు లేదు.

గృహ వినియోగ సిలిండర్ ధర ఢిల్లీలో రూ. 942, ముంబైలో రూ. 941.50 మరియు చెన్నైలో రూ. 957.50 వద్ద స్థిరంగా ఉంది. లక్నోలో దీని ధర రూ. 979.50గా ఉండగా, పాట్నాలో రూ. 1,031.50గా ఉంది. హైదరాబాద్ లో డొమెస్టిక్ సిలిండర్ ధర రూ.994 గా ఉంది. అంతర్జాతీయ ఎల్‌పిజి ధరల ప్రమాణాలు మరియు కరెన్సీ విలువల్లో వచ్చే మార్పులు ఎల్‌పిజి ధరలపై ప్రభావం చూపుతాయి. పెట్రోలియం, సహజ వాయువు మంత్రిత్వ శాఖ పరిధిలోని 'పెట్రోలియం ప్లానింగ్ & అనాలిసిస్ సెల్' (PPAC), భారతదేశంలో పెట్రోలియం, ఎల్‌పిజి ధరలకు సంబంధించిన సమాచారాన్ని ఇస్తుంది. ఈ తాజా ధరల మార్పు రెస్టారెంట్లు, హోటల్లు, 19 కిలోల ఎల్‌పిజి సిలిండర్లను ఉపయోగించే ఇతర వ్యాపార సంస్థల వంటి వాణిజ్య వినియోగదారులపై ప్రభావం చూపుతుంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.