LPG Cylinder: తగ్గిన ఎల్పీజీ సిలిండర్ ధర..

లోక్‌సభ ఎన్నికల చివరి దశకు ముందు ఎల్పీజీ (LPG) వినియోగదారులకు పెద్ద ఊరట లభించింది. ఎల్‌పిజి సిలిండర్ల ధరలను ప్రభుత్వ చమురు, గ్యాస్ మార్కెటింగ్ కంపెనీలు వరుసగా మూడోసారి తగ్గించాయి. ఈ విధంగా ఎన్నికల ప్రక్రియ ప్రారంభమైన తర్వాత ఎల్పీజీ సిలిండర్ల ధర మూడు రెట్లు తగ్గింది.ప్రభుత్వ చమురు కంపెనీలు జారీ చేసిన నోటిఫికేషన్ ప్రకారం, నేటి నుంచి దేశంలోని వివిధ నగరాల్లో ఎల్‌పిజి సిలిండర్ల ధర సుమారు రూ.70 తగ్గింది.

అయితే ఈ తగ్గింపు ప్రయోజనం 19 కిలోల వాణిజ్య LPG సిలిండర్లకు మాత్రమే. గృహావసరాలకు వినియోగించే ఎల్పీజీ సిలిండర్ల ధరల్లో ఈసారి కూడా ఎలాంటి మార్పు లేదు. ఢిల్లీలో 19 కిలోల సిలిండర్ ధర రూ.69.50 తగ్గి రూ.1676కి చేరుకుంది. అంతకుముందు ఏప్రిల్ నెలలో ధర రూ.19 తగ్గి రూ.1,745.50కి వచ్చింది. కోల్‌కతాలో కమర్షియల్ ఎల్‌పీజీ సిలిండర్లు రూ.1,787గా ఉంది. ముంబై ప్రజలు ఇప్పుడు ఈ పెద్ద సిలిండర్ కోసం రూ. 1,629 చెల్లించాల్సి ఉంటుంది.

దేశవ్యాప్తంగా లోక్‌సభ ఎన్నికలు చివరి దశలో ఉన్న తరుణంలో 19 కిలోల వాణిజ్య సిలిండర్ల ధరలో ఈ తగ్గించారు. ఏప్రిల్‌లో లోక్‌సభ ఎన్నికలు ప్రారంభమయ్యాయి. ఈరోజు జూన్ 1న అంటే ఈ రోజు చివరి దశ ఓటింగ్ జరుగుతోంది. ఆ తర్వాత 2024 లోక్‌సభ ఎన్నికల ఫలితాలు జూన్ 4న వెల్లడికానున్నాయి. గత నెల ప్రారంభంలో కూడా ఎల్‌పిజి సిలిండర్ల ధరలను అనేకసార్లు తగ్గించారు. గత నెల ఒకటో తేదీ అంటే ఏప్రిల్ 1 నుంచి 19 కిలోల ఎల్‌పిజి సిలిండర్‌ ధర రూ.19 తగ్గింది.

మే 1 నుంచి వాణిజ్య ఎల్‌పీజీ సిలిండర్ల ధర రూ.19 తగ్గింది. ఏప్రిల్‌కు ముందు వరుసగా మూడు నెలలపాటు వాణిజ్య సిలిండర్ల ధరలు పెరిగాయి.ప్రధాన మంత్రి నరేంద్ర మోదీ మహిళా దినోత్సవం (8 మార్చి 2024) సందర్భంగా గృహవినియోగ ఎల్‌పిజి సిలిండర్‌ల ధరలను రూ. 100 తగ్గిస్తున్నట్లు మార్చిలో ప్రకటించారు. 2025 మార్చి 31 వరకు పీఎం ఉజ్వల పథకం లబ్ధిదారులకు రూ.300 సబ్సిడీని అందజేస్తున్నట్లు మంత్రివర్గం ప్రకటించింది. అప్పటి నుంచి 14 కిలోల సిలిండర్ల ధరలో ఎలాంటి మార్పు లేదు. అంటే దాదాపు 3 నెలలుగా గృహ వినియోగ సిలిండర్ల ధరల్లో ఎలాంటి మార్పు లేదు.