Prithvi Raj Singh: ఒబెరాయ్ హోటల్ చైన్ అధినేత PRS కన్నుమూత.. జీవిత విశేషాలు..

Prithvi Raj Singh: దేశంలో ప్రముఖ హోటల్ చైన్ ఒబెరాయ్ హోటల్స్ గ్రూప్ ఛైర్మన్ ఎమెరిటస్ పృథ్వీ రాజ్ సింగ్ కన్నుమూశారు. దీంతో వ్యాపార పరిశ్రమలోని ప్రముఖులు తమ సంతాపం వ్యక్తం చేస్తున్నారు.

పృథ్వీ రాజ్ సింగ్ ఒబెరాయ్ తన 94వ ఏట కన్నుమూశారు. దేశానికి చేసిన అసాధారణ సేవకు భారత ప్రభుత్వం ఆయనను రెండవ అత్యున్నత పౌర పురస్కారమైన పద్మ విభూషణ్‌తో 2008లో గౌరవించింది. ఆయన 2022లో EIH లిమిటెడ్ ఎగ్జిక్యూటివ్ ఛైర్మన్, EIH అసోసియేటెడ్ హోటల్స్ లిమిటెడ్ ఛైర్మన్‌గా తన పదవులను విడిచిపెట్టారు. అయితే ఆయన అంత్యక్రియలు సాయంత్రం 4 గంటలకు భగవంతి ఒబెరాయ్ ఛారిటబుల్ ట్రస్ట్, ఒబెరాయ్ ఫామ్, కపషేరాలో నిర్వహించనున్నాయి.

భారతదేశంతో పాటు యునైటెడ్ కింగ్‌డమ్(UK), స్విట్జర్లాండ్‌లో పృథ్వీ రాజ్ సింగ్ చదువుకున్నారు. ప్రముఖ నగరాల్లో అనేక లగ్జరీ హోటళ్లను ప్రారంభించడం ద్వారా అంతర్జాతీయ లగ్జరీ ప్రయాణికుల కోసం ఒబెరాయ్ హోటళ్లను తీర్చిదిద్దిన ఘనత ఒబెరాయ్‌కు దక్కింది. ఆతిథ్య పరిశ్రమలో ఇండియాతో పాటు ఇతర దేశాల్లో కూడా కంపెనీ తన హోటల్ చైన్ నిర్వహిస్తోంది. దూరదృష్టి గల నాయకుడిగా ఉన్న ఆయన అచంచలమైన అంకితభావంతో ప్రపంచ వ్యాప్తంగా తన హోటళ్లను అత్యుత్తమమైనవిగా గుర్తింపును సంపాదించేలా తీర్చిదిద్దారు.

PRS ఒబెరాయ్ నాయకత్వంలో ఒబెరాయ్ గ్రూప్ అపూర్వమైన విజయాన్ని సాధించింది. కార్పొరేట్ ప్రపంచంలో విజయంతో పాటు తన ఛారిటబుల్ ట్రస్ట్ ద్వారా అనేక మందికి సేవలను అందిస్తూ ప్రఖ్యాతిగాంచారు.