ట్రాఫిక్ టెన్షన్ ఉన్నా సరే.. అమెరికా కంటే బెంగళూరే బెటర్ అంటున్న ఎన్నారై ఫ్యామిలీ! కారణం ఇదే!

అమెరికా వెళ్లడం, అక్కడే ఇల్లు కొనుక్కుని లైఫ్‌లో సెటిల్ అవ్వడం చాలా మందికి ఒక పెద్ద కల. కానీ, యూఎస్‌లో ఏకంగా 15 ఏళ్ల పాటు లగ్జరీ లైఫ్ గడిపిన ఒక భారతీయ కుటుంబం.. వాటన్నింటినీ వదిలేసి బెంగళూరు (Bengaluru) కు షిఫ్ట్ అయిపోయింది. శాన్ ఫ్రాన్సిస్కో (San Francisco) తో పోలిస్తే మన ఇండియానే ఎంతో వైబ్రంట్‌గా, అద్భుతంగా ఉందంటూ సదరు స్టార్టప్ ఫౌండర్ మహిళ సంచలన విషయాలను పంచుకుంది.

38 ఏళ్ల ఆస్థా చతుర్వేది ఒక స్టార్టప్ కంపెనీ ఫౌండర్. ఆమె తన భర్త, కూతురు , ఒక పెంపుడు జంతువుతో కలిసి ఇటీవలే అమెరికాను వదిలి బెంగళూరు (Bengaluru) లో స్థిరపడింది. మొదట్లో ఇండియాకు తిరిగి రావడం అనే ఆలోచన లేకపోయినా, ఒక చిన్న ఇన్సిడెంట్ వారి నిర్ణయాన్ని పూర్తిగా మార్చేసింది.

ఒకే ఒక్క విజిట్.. మారిపోయిన లైఫ్!

ఆస్థా చతుర్వేది 2024లో తన స్టార్టప్ కంపెనీ కోసం ఒక సీటీఓ (CTO) ని హైర్ చేసుకోవడానికి ఇండియాకు వచ్చింది. ఆ సమయంలో బెంగళూరు లోని స్టార్టప్ కల్చర్, టెక్నాలజీ హడావిడి చూసి ఆమె ఫిదా అయిపోయింది. అసలు తన కంపెనీ ఆఫీస్‌ను ఇండియాలోనే ఎందుకు పెట్టకూడదు? అనే ఆలోచన ఆమెకు వచ్చింది.

దానికి తోడు అమెరికాలో గ్రీన్ కార్డ్ (Green Card) కోసం నెలకొన్న భారీ వెయిటింగ్ లిస్ట్ వారిని విసిగించింది. ఆస్థా భర్త 2015 నుండి, ఆమె 2020 నుండి గ్రీన్ కార్డ్ క్యూలో ఉన్నారు. కానీ ఎప్పటికి వస్తుందో తెలియని అగమ్యగోచర పరిస్థితి. ఆస్థా మొదట హెచ్-1బి (H-1B) వీసాపై ఉన్నప్పటికీ, సొంతంగా కంపెనీ పెట్టాలనే ఉద్దేశంతో హెచ్-4 వీసాకు మారింది. ఈ వీసా టెన్షన్లు పడలేకే వారు ఇండియాకు తిరిగి రావాలని అకస్మాత్తుగా నిర్ణయించుకున్నారు.

బడ్జెట్ ఎలా ఉంది? వన్ మిలియన్ డాలర్ ఫ్లాట్!

ఈ ఏడాది ఫిబ్రవరి , ఏప్రిల్ మధ్య వీరు పూర్తిగా ఇండియాకు షిఫ్ట్ అయిపోయారు. ప్రస్తుతం బెంగళూరు లో ఏకంగా 1 మిలియన్ డాలర్ (దాదాపు రూ.8.3 కోట్లు) విలువైన ఒక లగ్జరీ అపార్ట్‌మెంట్‌ను కొనుగోలు చేశారు. అమెరికాతో పోలిస్తే ఇండియాలో లివింగ్ కాస్ట్ ఎలా ఉంది అనేదానిపై ఆస్థా ఆసక్తికరమైన విషయాలు చెప్పింది.

"ఇండియాలో ప్రీమియం లైఫ్ స్టైల్ కావాలనుకుంటే అది అస్సలు చౌక కాదు. నిజానికి మంచి ఫర్నిచర్, ఎలక్ట్రానిక్స్ వస్తువులు యూఎస్ కంటే ఇక్కడే కాస్త కాస్ట్లీగా ఉన్నాయి. కానీ, మెడికల్ ఖర్చులు (Healthcare), ఇంట్లో పనిమనుషుల (Maids) ఖర్చులు ఇండియాలో చాలా తక్కువ. కాబట్టి బడ్జెట్ బ్యాలెన్స్ అయిపోతుంది" అని ఆమె వివరించింది.

ట్రాఫిక్ కష్టాలు ఉన్నా.. సపోర్ట్ సిస్టమ్ సూపర్!

సిటీలో ఉన్న ట్రాఫిక్ సమస్య గురించి మాట్లాడుతూ.. "బెంగళూరు ట్రాఫిక్ నిజంగా ఒక పెద్ద తలనొప్పి. అందుకే మేము తిరగడానికి ఒక ఫుల్ టైమ్ డ్రైవర్‌ను కూడా హైర్ చేసుకున్నాం. కానీ, అమెరికాలో లాగా ఇంటి పనులన్నీ మనమే చేసుకోవాల్సిన అవసరం ఇక్కడ లేదు. ఇక్కడ మనకు మంచి సపోర్ట్ సిస్టమ్ దొరుకుతుంది" అని ఆస్థా సంతోషం వ్యక్తం చేసింది. ప్రస్తుతం ఆమె కూతురు ఇక్కడి స్కూల్‌కు అలవాటు పడిందని, సాంస్కృతికంగా తమకు ఎలాంటి గ్యాప్ అనిపించడం లేదని, అమెరికా కంటే ఇండియాలోనే జీవితం చాలా కలర్‌ఫుల్‌గా ఉందని ఆమె ముగించింది.

ఒకప్పుడు సాఫ్ట్‌వేర్ ఇంజనీర్లు అమెరికా వెళ్లడమే లక్ష్యంగా పెట్టుకునేవారు. కానీ మారుతున్న కాలంలో, ముఖ్యంగా బెంగళూరు (Bengaluru) లాంటి నగరాల్లో గ్లోబల్ రేంజ్ అవకాశాలు , స్టార్టప్ ఎకోసిస్టమ్ అందుబాటులోకి రావడంతో.. ఎన్నారైలు సైతం గ్రీన్ కార్డ్ మోజును పక్కనబెట్టి సొంత దేశానికి తిరిగి రావడానికి మొగ్గు చూపుతున్నారు.