ఇప్పుడు చిరిగిన నోట్లను మార్చుకోవడానికి బ్యాంకుకు వెళ్లాల్సిన పని లేదు; సూపర్ ఐడియా..!

Bank Note Exchange Mela: దేశంలో డిజిటల్ విప్లవం వచ్చినప్పటి నుండి అన్ని ఆర్థిక లావాదేవీలు ఆన్‌లైన్‌లో జరుగుతున్నాయి. అయినప్పటికీ ఇప్పటికీ కూడా చాలా మంది క్యాష్ రూపంలో లావాదేవీలు జరుపుతున్నారు. మీరు కూడా క్యాష్ తో ట్రాన్సక్షన్స్ చేస్తే మీరు ఒక విషయం గమనించాలి. ప్రస్తుతం మార్కెట్లో ఉన్న చాలా నోట్లు చిరిగిన స్థితిలో ఉన్నాయి. దింతో ఈ నోట్లను తీసుకోవడం పై దుకాణదారులకు ఇంకా కస్టమర్లకు మధ్య వివాదం ఏర్పడుతుంది. మీ దగ్గర కూడా ఇలాంటి చిరిగినా లేదా నలిగిపోయిన నోట్స్ ఉంటే, మీరు ఇప్పుడు ఈజీగా వాటిని మార్చుకోవచ్చు. ఎలా అంటే రిజర్వ్ బ్యాంకు ఆఫ్ ఇండియా ఇందుకు బ్యాంక్ నోట్ ఎక్స్చేంజ్ మేళ నిర్వహిస్తుంది. దీనిని ఆర్బీఐ ఇంకా ఇతర బ్యాంకు బ్రాంచులు నిర్వహిస్తాయి.

అలాగే ఆర్‌బిఐ అండ్ ఇతర బ్యాంకుల అధికారులు ప్రజలకు నోట్లకు సంబంధించిన ఇక్కడ సేవలను అందిస్తారు. నిజానికి, బ్యాంక్ నోట్ మార్పిడి ఉత్సవం అంటే ప్రజలు అరిగిపోయిన లేదా చిరిగిన నోట్లను మార్చుకుని వాటి స్థానంలో కొత్త నోట్లు లేదా నాణేలను తీసుకునే కార్యక్రమం. ఆర్థిక అక్షరాస్యత ఇంకా క్లీన్ నోట్ విధానాన్ని ప్రోత్సహించడానికి రిజర్వ్ బ్యాంక్ ఆఫ్ ఇండియా (RBI) ఈ కార్యక్రమాలను నిర్వహిస్తుంది.

బ్యాంక్ నోట్ మార్పిడిలో ఏ సౌకర్యాలు ఉన్నాయి?
బ్యాంక్ నోట్ ఫెయిర్ వంటి కార్యక్రమాలలో RBI లేదా బ్యాంకు శాఖలు స్టాల్స్ ఏర్పాటు చేస్తాయి. ఈ స్టాళ్లలో కస్టమర్లు చిరిగిన ఇంకా అరిగిపోయిన నోట్లను కొత్త నోట్లు లేదా నాణేలతో మార్పిడి చేసుకోవచ్చు. ఈ కార్యక్రమం నోట్ల మార్పిడితో పాటు ఆర్థిక అక్షరాస్యతను అందిస్తుంది. అంతేకాదు సైబర్, డిజిటల్ మోసాల గురించి సమాచారం అందిస్తుంది.

ఇక్కడ చెల్లని నోట్లను మార్చుకోవచ్చా?
మీరు బ్యాంకులు అండ్ రిజర్వ్ బ్యాంక్ ఆఫ్ ఇండియా (RBI) ఆఫీసులో చిరిగిన సహా పాత నోట్లను మార్చుకోవచ్చు. మీరు ప్రతిరోజూ బ్యాంకులో 20 నోట్లు అంటే రూ. 5,000 మొత్తంగా మార్చుకోవచ్చు. మీరు ఒక రోజులో 20 కంటే ఎక్కువ నోట్లు లేదా 5,000 కంటే ఎక్కువ విలువైన మొత్తం మార్చుకుంటే బ్యాంకు దానికి రసీదు ఆధారంగా అంగీకరించవచ్చు. దీనికి బ్యాంకు సర్వీస్ చార్జెస్ కూడా వసూలు చేయవచ్చు.