బంగారం కన్నా వెండి మీదే ఇప్పుడు పెట్టుబడి పెట్టండి.. నిపుణుల సలహా ఇదే

ప్రపంచవ్యాప్తంగా పేరుగాంచిన పెట్టుబడిదారుడు, రచయిత ఇటీవల తన వెండి పెట్టుబడిపై ప్రత్యేక అభిప్రాయం వ్యక్తం చేశారు. ఆయన "నేను బంగారం కొనడం లేదు, వెండి కొనుగోలు చేస్తున్నాను" అని స్పష్టంగా చెప్పారు. ఆయన మాటల్లో నేను గత వారం మరిన్ని వెండి కొనుగోలు చేశాను. వెండి తక్కువగా ఉంటే నేనంత కొనుగోలు చేస్తానని ఆశిస్తున్నాను.

బంగారం ధరలు ఇప్పటికీ చాలా ఎక్కువగా ఉండటంతో, తక్కువ ధరకే దొరుకుతున్న వెండి ఇప్పుడు పెట్టుబడి కోసం మంచి అవకాశం అంటున్నారు జిమ్ రోజర్స్.

రోజర్స్ బంగారం, వెండి రెండూ కొనుగోలు చేసినప్పటికీ, వెండిని ఎక్కువగా ఇష్టపడుతున్నారు. ఆయన భావన ఏమిటంటే ఈ మెటల్స్ విలువైనవి కావడంతో తన పిల్లలకు వారసత్వంగా ఇవ్వాలనుకుంటున్నారు. ఆయన చెప్పిన మాటల్లో "నా బంగారం, వెండి నా పిల్లలకు అందాలి. ఇవి మా కుటుంబ ఆస్తిగా ఉండాలి అని నేను కోరుకుంటున్నాను."

పలువురు అనుభవజ్ఞులైన పెట్టుబడిదారుల దృష్టిలో వెండి ముడి ద్రవ్యాల మార్కెట్‌లో అంతర్గత భద్రత కలిగిన పెట్టుబడి. ఇది ద్రవ్యోల్బణం, ఆర్థిక అస్థిరత సమయంలో hedge (అంటే, పెట్టుబడిలో నష్టాలను తగ్గించేందుకు వేసే వ్యూహాత్మక అడుగు) గా పనిచేస్తుంది.

ప్రముఖ ఆర్థిక నిపుణుడు రాబర్ట్ కియోసాకీ కూడా వెండి, బంగారంలో పెట్టుబడి చేయాలని సూచిస్తున్నారు. బంగారంతో పోల్చితే వెండి ధర తక్కువగా ఉండటం, కానీ మంచి మార్కెట్ వృద్ధి సామర్థ్యం ఉండటం దీన్ని ఆకర్షణీయంగా మార్చుతుంది.

ప్రపంచ మార్కెట్లను పరిశీలిస్తూ, జిమ్ రోజర్స్ భారతియా ఆర్థిక విజయాన్నిపై చెప్పాడు. "అత్యుత్తమ అవకాశాలున్న ఆర్థిక వ్యవస్థ"గా అభివర్ణించారు. "ఇండియాలో అన్నీ ఉన్నాయి. ఢిల్లీ సరైన విధానాలతో ముందుకెళ్తే, భారత్ తిరిగి ప్రపంచంలో ప్రముఖ స్థానంలో నిలుస్తుంది," అని వ్యాఖ్యానించారు.

ప్రాంతీయ మార్కెట్లు, వ్యాపారవేత్తల గురించి మాట్లాడుతూ, భారతీయుల తెలివితేటలు, ఆశయాలు, నైపుణ్యాలపై మెచ్చుకోలు తెలిపారు. ప్రస్తుతం చైనా, ఉజ్బెకిస్తాన్ మార్కెట్లలో మాత్రమే ఆయన పెట్టుబడులు పెట్టారు. "ఇంకా ఏ దేశం నన్ను ఆకట్టుకోలేకపోయింది," అని చెప్పారు. భారత మార్కెట్లు పడిపోయినపుడు మళ్లీ ఇక్కడ పెట్టుబడి పెట్టేందుకు సిద్ధంగా ఉంటానని చెప్పారు.

అమెరికన్ డాలర్లను ఇప్పటికీ ఆయన దగ్గర ఉంచుకున్నప్పటికీ, దేశ అప్పులు పెరుగుతున్నాయని హెచ్చరించారు. "అమెరికా చరిత్రలోనే అతిపెద్ద అప్పు ఉన్న దేశంగా మారింది," అని వ్యాఖ్యానించారు. భవిష్యత్తులో భయంతో కూడిన ర్యాలీలో డాలర్ విలువ పెరిగిన తరువాత, ఆయన డాలర్లు విక్రయించాలనుకుంటున్నారు. కానీ, "నేను డాలర్ అమ్మినా, దీనికి పోటీగా ఏ ఇతర కరెన్సీ ఉందో నాకు తెలియదు," అని ఆయన చెప్పినట్లు Economic Times నివేదించింది..

Reuters ప్రకారం, వెండి ధరలు ప్రస్తుతం $39.4 ట్రాయ్ ఔన్సుల వరకు పెరిగాయి. ఇది సెప్టెంబర్ 2011 తరువాత అత్యధిక స్థాయి. ఈ ఏడాది వెండి ధరలు సుమారు 36% పెరిగాయి. బంగారం ధరలు అదే కాలంలో 31% పెరగగా, వెండి మెటల్ పెట్టుబడిదారుల అభిరుచిని మరింతగా ఆకర్షిస్తోంది.